قارجى جانە تولەمدەر
قازاقستاندا ەكى بىردەي مەملەكەتتىك جاردەماقىنى تاعايىنداۋ مەرزىمى قىسقارتىلماق
فوتو: اشىق دەرەككوزKAZINFORM – قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ مينيسترلىگى «رەسپۋبليكالىق بيۋدجەت قارا جاتىنان جەرلەۋگە ءبىر جولعى تولەمدى تاعايىنداۋ جانە جۇزەگە اسىرۋ قاعيدالارىن بەكىتۋ تۋرالى» سونداي-اق «مۇگەدەكتىگى بويىنشا جانە اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلار مولشەرىن ەسەپتەۋ (ايقىنداۋ), ولاردى تاعايىنداۋ, تولەۋ, توقتاتا تۇرۋ, قايتا ەسەپتەۋ, قايتا باستاۋ, توقتاتۋ جانە تاعايىنداۋ (تاعايىنداۋدان باس تارتۋ) تۋرالى شەشىمدى قايتا قاراۋ قاعيدالارىن بەكىتۋ تۋرالى» قر پرەمەر-ءمينيسترىنىڭ ورىنباسارى – ەڭبەك جانە حالىقتى الەۋمەتتىك قورعاۋ ءمينيسترىنىڭ 257 بۇيرىعىنا وزگەرىستەر مەن تولىقتىرۋلار ەنگىزۋ تۋرالى بۇيرىق جوباسى ازىرلەندى.
اتالعان قۇجات 14 تامىزعا دەيىن «اشىق» نقاپورتالىنا جاريا تالقىلاۋعا ورنالاستىرىلدى.
قۇجاتتىڭ تۇسىندىرمە جازباسىندا پيلوتتىق جوبانى ىسكە اسىرۋ ءۇشىن ازىرلەنگەن ۇسىنىلىپ وتىرعان تولىقتىرۋلار اۆتوماتتى تۇردە تاعايىنداۋ, اۆتوماتتى تۇردە قالىپتاستىرۋ, سونداي-اق جاردەماقى تاعايىنداۋ جونىندەگى ىستەردىڭ ەلەكتروندىق ماكەتتەرىن جانە جەرلەۋگە ارنالعان بىرجولعى تولەمدى اۆتوماتتى تۇردە بەكىتۋ ءتارتىبىن كوزدەيدى, بۇل مەملەكەتتىك قىزمەت كورسەتۋ مەرزىمىن جەتى كۇننەن ءبىر جۇمىس كۇنىنە دەيىن قىسقارتىلاتىنى جازىلعان.
«جوبا بويىنشا قارجى شىعىندارىنىڭ قاجەتتىگى جانە ونىڭ قارجىلىق قامتاماسىز ەتىلۋى, ونىڭ ىشىندە قارجىلاندىرۋ كوزى, سونداي-اق قاجەت بولعان جاعدايدا رەسپۋبليكالىق بيۋدجەت كوميسسياسىنىڭ شەشىمى ء(تيىستى ەسەپ-قيساپتار, قارجىلاندىرۋ كوزىنە سىلتەمە, رەسپۋبليكالىق بيۋدجەت كوميسسياسى شەشىمىنىڭ كوشىرمەسى مىندەتتى تۇردە تۇسىندىرمە جازباعا قوسا بەرىلەدى). قارجى شىعىندارى تالاپ ەتىلمەيدى», — دەپ جازىلعان قۇجاتتىڭ تۇسىندىرمەسىندە.
بۇيرىق جوباسى قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ www.enbek.gov.kz ينتەرنەت-رەسۋرسىندا جانە اشىق نورماتيۆتىك قۇقىقتىق اكتىلەردىڭ ينتەرنەت-پورتالىندا ورنالاستىرىلعان.
