جاڭالىقتار
قازاقستاندا ەكى بىردەي جاردەماقى كولەمى ارتۋى مۇمكىن
كورنەكى سۋرەت: NUR.KZ / پەتر كارانداشوۆ
قازاقستاندا ەڭبەككە قابىلەتتىلىكتەن ايىرىلۋ جانە اسىراۋشىسىنان ايىرىلۋ جاعدايلارى بويىنشا تولەنەتىن جاردەماقى كولەمىن ارتتىرۋ ۇسىنىلدى. بۇل تۋرالى «اشىق نقا» پورتالىنداعى ەڭبەك مينيسترلىگى قاۋلىسىنىڭ جوباسىنا سىلتەمە جاساعان KAZ.NUR.KZ حابارلايدى.
«2025 جىلعى 1 قاڭتارعا دەيىن مەملەكەتتىك الەۋمەتتىك ساقتاندىرۋ قورىنان تاعايىندالعان ەڭبەككە قابىلەتتىلىكتەن ايىرىلۋ جانە اسىراۋشىسىنان ايىرىلۋ جاعدايلارى بويىنشا تولەنەتىن الەۋمەتتىك تولەمدەردىڭ مولشەرلەرىن 2025 جىلعى 1 قاڭتاردان باستاپ الاتىن الەۋمەتتىك تولەمدەردىڭ مولشەرىنەن 6,5 پايىزعا ارتتىرۋ جۇرگىزىلسىن. قاۋلى العاشقى رەسمي جاريالانعان كۇنىنەن باستاپ, بىراق ەرتە دەگەندە 2025 جىلعى 1 قاڭتاردان باستاپ قولدانىسقا ەنگىزىلەدى», – دەلىنگەن حابارلامادا.
قۇجات 17 قىركۇيەككە دەيىن قوعامدىق تالقىلاۋعا شىعارىلعان.
ەسكە سالساق, بۇعان دەيىن قازاقستاندا كوپبالالى وتباسىلارعا جاردەماقى قالاي تولەنەتىنى تۋرالى جازعان ەدىك.
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, 2024 جىلى ءتورت بالاعا بەرىلەتىن جاردەماقىنىڭ «باستاپقى» مولشەرى 16,03 ايلىق ەسەپتىك كورسەتكىشكە تەڭ (اەك), ياعني ءبىر بالاعا 59 183 تەڭگە نەمەسە 14 796 تەڭگە بولدى.
الايدا كوپبالالى وتباسىندا كوپ بالا دۇنيەگە كەلسە, جاردەماقى ۇلعايادى, ال ونىڭ ەڭ جوعارعى مولشەرى جوق.
