قازاقستاندا ەلتاڭبا وزگەرە مە?

ەلىمىزدە ەلتاڭبا وزگەرە مە? بۇل تۋرالى مادەنيەت جانە اقپارات مينيسترلىگى ايتتى, دەپ حابارلايدى qandastar.kz.

مينيسترلىك مەملەكەتتىك رامىزدەردى وزگەرتۋ الگوريتمىن ءتۇسىندىردى. كونستيتۋتسيا جوبالارى بويىنشا شەشىمدەر كونستيتۋتسيالىق زاڭدار ارقىلى, سونىمەن قاتار, قازاقستاننىڭ مەملەكەتتىك ومىرىنە قاتىستى وزگە دە اسا ماڭىزدى ماسەلەلەر جالپىۇلتتىق رەفەرەندۋم, ياعني جالپى حالىقتىق داۋىس بەرۋ ارقىلى قابىلداناتىنى ايتىلدى.

كونستيتۋتسيانىڭ 54-بابىنا سايكەس مەملەكەتتىك رامىزدەرگە قاتىستى كەز كەلگەن وزگەرىستەر مەن تولىقتىرۋلار پارلامەنتتە قارالادى جانە جالپىۇلتتىق رەفەرەندۋم تارتىبىمەن وتكىزىلەدى.

مەملەكەت باسشىسى ۇلتتىق قۇرىلتايدىڭ كەزەكتى وتىرىسىندا ەلتاڭبانى اۋىستىرۋ تۋرالى شەشىم جالپى كەلىسىم بولعان جاعدايدا قابىلدانۋى مۇمكىن ەكەنىن مالىمدەدى.

«مينيسترلىك وسىنداي باستامالار شەڭبەرىندە شەت ەلدەردە مەملەكەتتىك رامىزدەرگە وزگەرىستەر ەنگىزۋ ماسەلەلەرى بويىنشا تالداۋ جۇرگىزدى. الايدا ەلىمىزدىڭ بىرقاتار وڭىرىندە تابيعي سيپاتتاعى توتەنشە جاعدايلار بولۋىنا بايلانىستى بۇل ءىس-شارالار توقتاتىلدى», — دەپ جازىلعان مينيسترلىك جاۋابىندا.