قازاقستاندا ەڭ كوپ تاراعان ادامنىڭ ەسىمى مەن تەگى انىقتالدى

ۇلتتىق ستاتيستيكا بيۋروسىنىڭ مالىمەتىنشە, ازامات ەسىمدى 63 مىڭ ەر ادام جانە ارۋجان ەسىمدى 73 مىڭ ايەل بار. قازاقستاندا 33 مىڭنان استام ەسىم 10 رەتتەن , 29 مىڭنان استام تەك 100-دەن استام رەت كەزدەسەدى ەكەن. ەلىمىزدە سان جاعىنان قازاقتاردان كەيىنگى ۇلتتار ورىستار مەن وزبەكتەردىڭ دە اتى-ءجونى كەڭ تاراعان.

10 000-نان استام رەت 136 ەر جانە 146 ايەل ەسىمدەرى كەزدەسەدى. وسىلايشا, ەر ادامدار اراسىندا ەڭ تانىمال ەسىمدەر ازامات (63 مىڭ ادام), سەرىك (53 مىڭ ادام), مارات (50 مىڭ ادام), ايەلدەردە – ارۋجان (73 مىڭ ادام), مادينا (59 مىڭ ادام), دينارا (59 مىڭ ادام) بولدى.

ەرلەر مەن ايەلدەر اراسىندا ءبىر مەزگىلدە تانىمال بولعان ەسىمدەر – باقىت پەن ساۋلەت. ەرلەرگە دە, ايەلدەرگە دە ءتان ەسىمدەرى بار ادام سانى – 585 مىڭ.

قازاق ەسىمدەرى ىشىندە «باي», «بەك», «جان», «حان» سياقتى ەسىم جالعاۋلارى ەڭ كوپ تارالعان. اتاپ ايتقاندا, «بەك» وتكەن عاسىردا كەڭ تانىلعان ەسىم جالعاۋى بولدى. الايدا, بىراق ونىڭ تانىمالدىعى 2000 جىلداردان كەيىن تومەندەي باستاعان. ال «حان» جالعاۋى سوڭعى 30 جىلدا تۇراقتى تۇردە وسكەن.

ايەل ەسىمدەرىندە ەڭ ءجيى كەزدەسەتىن «گۇل» ءسوزى 1950 جىلداردان باستاپ 2000 جىلدارعا دەيىن وتە تانىمال بولعان.

ەلەكتروندىق كەستە دەرەكتەرىنە سايكەس, قازاقتاردىڭ قىسقا ەسىمدەردى كوبىرەك ۇناتا باستاعانىن دا بايقاۋعا بولادى. ءبىر قىزىعى, 70-80-ءشى جىلداردى قوسپاعاندا, ەرلەردىڭ ەسىمدەرى ايەلدەردىكىنەن ۇزاعىراق بولعان.

قازاقستاندا 10 000-نان استام رەت 69 قازاق تەگى كەزدەسەدى. وسىلايشا, قازاقتىڭ العاشقى تەكتەر ۇشتىگىنە احمەتوۆ (56 مىڭ), سەرىك (39 مىڭ), وماروۆ (36 مىڭ) كىرىپ وتىر. قازاقتار اراسىندا وۆ, ەۆ, ين (وۆا, ەۆا, ينا) جالعاۋلارىنا اياقتالعان تەكتەر ۇلەسى 64% قۇرايدى. الايدا, ءار جىلى تۋعانداردىڭ تەكتەرىن تالداساق, اتالعان جالعاۋلارى بار تەكتەر ۇلەسىنىڭ ازايۋ ديناميكاسىن بايقاۋعا بولادى.

كوپتەگەن قازاقستاندىقتار اكەسىنىڭ اتى دەگەندە -ۆيچ, -ۆنا جالعاۋلارىنان گورى ۇلى/قىزى دەگەنگە كوشىپ جاتقانىن انىقتالدى.