Qazaqstanda eń kóp taraǵan adamnyń esimi men tegi anyqtaldy

Ulttyq statıstıka bıýrosynyń málimetinshe, Azamat esimdi 63 myń er adam jáne Arýjan esimdi 73 myń áıel bar. Qazaqstanda 33 myńnan astam esim 10 retten , 29 myńnan astam tek 100-den astam ret kezdesedi eken. Elimizde san jaǵynan qazaqtardan keıingi ulttar orystar men ózbekterdiń de aty-jóni keń taraǵan.

10 000-nan astam ret 136 er jáne 146 áıel esimderi kezdesedi. Osylaısha, er adamdar arasynda eń tanymal esimder Azamat (63 myń adam), Serik (53 myń adam), Marat (50 myń adam), áıelderde – Arýjan (73 myń adam), Madına (59 myń adam), Dınara (59 myń adam) boldy.

Erler men áıelder arasynda bir mezgilde tanymal bolǵan esimder – Baqyt pen Sáýlet. Erlerge de, áıelderge de tán esimderi bar adam sany – 585 myń.

Qazaq esimderi ishinde «baı», «bek», «jan», «han» sııaqty esim jalǵaýlary eń kóp taralǵan. Atap aıtqanda, «bek» ótken ǵasyrda keń tanylǵan esim jalǵaýy boldy. Alaıda, biraq onyń tanymaldyǵy 2000 jyldardan keıin tómendeı bastaǵan. Al «han» jalǵaýy sońǵy 30 jylda turaqty túrde ósken.

Áıel esimderinde eń jıi kezdesetin «gúl» sózi 1950 jyldardan bastap 2000 jyldarǵa deıin óte tanymal bolǵan.

Elektrondyq keste derekterine sáıkes, qazaqtardyń qysqa esimderdi kóbirek unata bastaǵanyn da baıqaýǵa bolady. Bir qyzyǵy, 70-80-shi jyldardy qospaǵanda, erlerdiń esimderi áıelderdikinen uzaǵyraq bolǵan.

Qazaqstanda 10 000-nan astam ret 69 qazaq tegi kezdesedi. Osylaısha, qazaqtyń alǵashqy tekter úshtigine Ahmetov (56 myń), Serik (39 myń), Omarov (36 myń) kirip otyr. Qazaqtar arasynda ov, ev, ın (ova, eva, ına) jalǵaýlaryna aıaqtalǵan tekter úlesi 64% quraıdy. Alaıda, ár jyly týǵandardyń tekterin taldasaq, atalǵan jalǵaýlary bar tekter úlesiniń azaıý dınamıkasyn baıqaýǵa bolady.

Kóptegen qazaqstandyqtar ákesiniń aty degende -vıch, -vna jalǵaýlarynan góri uly/qyzy degenge kóship jatqanyn anyqtaldy.