قازاقستاندا ەڭ قىمبات قىزاناقتىڭ كەلىسى 5900 تەڭگە تۇرادى, ەڭ ارزانى قانشا

قازىر نارىقتا قىزاناقتىڭ الۋان ءتۇرى بار, ونىڭ ىشىندە جەرگىلىكتى جانە يمپورتتالعان ءونىم ۇسىنىلادى. سايكەسىنشە بۇل ەكى ارادا باعا ايىرماشىلىعى دا بولادى.

قىزاناقتىڭ ەڭ كوپ اسسورتيمەنتى ەلىمىزدىڭ وڭتۇستىك ايماقتارىندا. ەڭ ارزان قىزاناق تارازدا, كەلىسى – 600-650 تەڭگە. اتاپ ايتقاندا, ساباعى ۇزىلمەگەن قىزاناق 710-750 تەڭگە, قىزعىلت قىزاناق 1200-1800 تەڭگە, چەرري قىزاناعى 1350-1500 تەڭگە تۇرادى.

الماتىدان كەز كەلگەن تالعام مەن اميانعا ساي قىزاناق ءتۇرىن تابۋعا بولادى. مۇندا ءسىز كەلىسى 673 تەڭگەدەن 5 مىڭ 900 تەڭگەگە دەيىنگى باعاعا قىزاناق ساتىپ الا الاسىز. ەڭ قىمبات سۇرىپتاردىڭ ءبىرى – «كۋماتو» نەمەسە حالىق اراسىندا «قارا قىزاناق» دەپ اتالادى. چەرري قىزاناعىنىڭ اراسىندا «بريوزا» بار. ادەتتە ولاردىڭ قاپتاماداعى 0,5 كەلىسى 1300 تەڭگەدەن باستالادى.

شىمكەنتتە ەڭ ارزان قىزاناقتى اۋىل شارۋاشىلىعى جارمەڭكەلەرىنەن ساتىپ الۋعا بولادى. سۋپەرماركەتتەردە باعا جوعارى. ورتاشا العاندا, قىزاناقتىڭ قۇنى 700-1200 تەڭگە ارالىعىندا. چەرري قىزاناعىنىڭ ءبىر كەلىسى 1200-2000 تەڭگەدەن ساتىلىپ جاتىر. ايتا كەتەيىك, قىزىلوردا, تۇركىستان جانە قوناەۆ قالالارىندا قىزاناق باعاسى شىمكەنتتەگى باعاعا جاقىن.

وسكەمەن جانە ورال قالاسىندا قىزاناقتىڭ كەلىسى 800-810 تەڭگە.

اقتاۋ مەن اتىراۋدا باعا شامالاس – 870 تەڭگەدەن باستالادى, استانا مەن پاۆلوداردا دا وسى باعا شاماسىندا.

ەڭ قىمبات قىزاناق – سولتۇستىك ايماقتاردا. كوكشەتاۋ مەن قوستانايدا وتاندىق وندىرىستەگى جىلىجاي قىزاناقتارىنىڭ كەلىسى 900-دەن 1380 تەڭگەگە دەيىن بارادى. «قىزعىلت» – 1380-1400 تەڭگە, چەرري – 1700-دەن 4300 تەڭگەگە دەيىن.

سولتۇستىك قازاقستان وبلىسىندا ساباعى ۇزىلمەگەن قىزىل قىزاناق پەن قىزعىلت قىزاناقتىڭ باعاسى 940 تەڭگەدەن باستالادى, چەرري قىزاناعىنىڭ ءبىر كەلىسى 1150 تەڭگە تۇرادى. ەڭ قىمباتى – ساباعى بار سارى قىزاناق, ونىڭ باعاسى 1300 تەڭگەدەن باستالادى.

قاراعاندىدا قىزاناق سۇرپىنا بايلانىستى كەلىسى 1020 تەڭگەدەن 2500 تەڭگەگە دەيىن بارادى. پاۆلودارداعى ينتەرنەت-دۇكەندەر قىزاناقتى 885 تەڭگەدەن باستاپ ساتىپ جاتىر.