قازاقستاندا ەڭ تومەنگى جالاقى كوتەرىلە مە: ەكونوميكا ءمينيسترى ءتۇسىندىردى

فوتو: Stan.kz

ۇكىمەت جاقىن ارادا ەڭ تومەنگى جالاقىنى كوتەرۋدى جوسپارلامايتىنىن مالىمدەدى. دەگەنمەن بۇعان دەيىن ەڭبەك جانە حالىقتى الەۋمەتتىك قولداۋ ءمينيسترى سۆەتلانا جاقىپوۆا كوتەرىلەدى دەپ ۋادە بەرگەن ەدى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

ۇكىمەتتەگى ءباسپاسوز كونفەرەنتسياسىندا پرەمەر-ءمينيستردىڭ ورىنباسارى, ۇلتتىق ەكونوميكا ءمينيسترى سەرىك جۇمانعارين بۇل ناقتى ەمەس ەكەنىن ايتادى.

«شىنىن ايتقاندا, ازىرگە ونداي جوسپارىمىز جوق. قازىر ەلىمىزدە ەڭ تومەنگى جالاقى – 85 مىڭ تەڭگە. ونى كوبەيتۋ ماسەلەسى ازىرگە قاراستىرىلعان جوق», – دەدى سەرىك جۇمانعارين.

بۇعان دەيىن ەڭ تومەنگى جالاقىنى كوتەرۋ تۋرالى ەڭبەك مينيسترلىگىنەن بولەك, قارجى ءمينيسترى ءمادي تاكيەۆ تە مالىمدەگەن ەدى. الايدا قازىر ول ءسوزىنىڭ ناقتى جوسپارعا ەمەس, تەك ەسەپتىك دەرەكتەرگە قاتىستى ەكەنىن ءتۇسىندىردى.

«بارلىق كورسەتكىشكە سەنسەك, ورتاشا مولشەر شامامەن 90 مىڭ تەڭگە بولۋى كەرەك. بىراق قازىرگى جاعدايدى ەسكەرە وتىرىپ, ونى بۇرىنعى دەڭگەيدە قالدىرامىز», – دەپ ءتۇسىندىردى تاكيەۆ.
ەسكە سالايىق, بۇعان دەيىن ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆانىڭ ايتۋىنشا, 2026 جىلدىڭ بيۋدجەتىندە زەينەتاقى مەن الەۋمەتتىك تولەمدەردى ارتتىرۋعا 622 ملرد تەڭگەدەن استام قارجى بولىنەدى. ءوسىم مولشەرى بولجامدى ينفلياتسيا دەڭگەيىنە ساي – 10%-عا دەيىن بولادى. 1 قاڭتاردان باستاپ ىنتىماقتى جانە بازالىق زەينەتاقىلار, مۇگەدەكتىك جانە اسىراۋشىسىنان ايىرىلۋ بويىنشا جاردەماقىلار كوبەيەدى. مىسالى, بازالىق زەينەتاقىنىڭ ەڭ تومەنگى مولشەرى 32 360 تەڭگەدەن 35 596 تەڭگەگە, ەڭ جوعارعىسى 50 851 تەڭگەدەن 55 936 تەڭگەگە دەيىن وسەدى.