Qazaqstanda eń tómengi jalaqy kóterile me: Ekonomıka mınıstri túsindirdi

Foto: Stan.kz

Úkimet jaqyn arada eń tómengi jalaqyny kóterýdi josparlamaıtynyn málimdedi. Degenmen buǵan deıin eńbek jáne halyqty áleýmettik qoldaý mınıstri Svetlana Jaqypova kóteriledi dep ýáde bergen edi, dep jazdy qandastar.kz

Bul týraly Stan.kz aqparat agenttigi habarlaıdy.

Úkimettegi baspasóz konferenııasynda premer-Mınıstrdiń orynbasary, ulttyq ekonomıka mınıstri Serik Jumanǵarın bul naqty emes ekenin aıtady.

«Shynyn aıtqanda, ázirge ondaı josparymyz joq. Qazir elimizde eń tómengi jalaqy – 85 myń teńge. Ony kóbeıtý máselesi ázirge qarastyrylǵan joq», – dedi Serik Jumanǵarın.

Buǵan deıin eń tómengi jalaqyny kóterý týraly eńbek mınıstrliginen bólek, qarjy mınıstri Mádı Takıev te málimdegen edi. Alaıda qazir ol sóziniń naqty josparǵa emes, tek eseptik derekterge qatysty ekenin túsindirdi.

«Barlyq kórsetkishke sensek, ortasha mólsher shamamen 90 myń teńge bolýy kerek. Biraq qazirgi jaǵdaıdy eskere otyryp, ony burynǵy deńgeıde qaldyramyz», – dep túsindirdi Takıev.
Eske salaıyq, buǵan deıin eńbek jáne halyqty áleýmettik qorǵaý mınıstri Svetlana Jaqypovanyń aıtýynsha, 2026 jyldyń bıýdjetinde zeınetaqy men áleýmettik tólemderdi arttyrýǵa 622 mlrd teńgeden astam qarjy bólinedi. О́sim mólsheri boljamdy ınflıaııa deńgeıine saı – 10%-ǵa deıin bolady. 1 qańtardan bastap yntymaqty jáne bazalyq zeınetaqylar, múgedektik jáne asyraýshysynan aıyrylý boıynsha járdemaqylar kóbeıedi. Mysaly, bazalyq zeınetaqynyń eń tómengi mólsheri 32 360 teńgeden 35 596 teńgege, eń joǵarǵysy 50 851 teńgeden 55 936 teńgege deıin ósedi.