جاڭالىقتار
قازاقستاندا ەندى اكە بولعالى جۇرگەن جىگىتتەر اسكەردەن بوساتىلادى
فوتو: اشىق دەرەككوز
قازاقستاندا ەندى اكە بولعالى جۇرگەن جىگىتتەر اسكەردەن بوساتىلادى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.
قورعانىس ءمينيسترىنىڭ ورىنباسارى شايح-حاسان جازىقباەۆ زاڭداعى جاڭا نورمانى ءتۇسىندىردى.
قازىرگى ەرەجە بويىنشا اسكەرگە شاقىرىلعان ساربازدىڭ جۇبايى بوسانعان جاعدايدا ول ۇيىنە قايتارىلادى. ەندى جاڭا وزگەرىستەرگە سايكەس, بۇل جەڭىلدىك بولاشاق اكەلەرگە دە قاتىستى بولماق.
“ەگەر اسكەرگە شاقىرىلماي تۇرىپ, جۇبايى ءسابي كۇتىپ وتىرعان بولسا, (قانشا اپتا ەكەنى كورسەتىلەدى) ولاردى اسكەرگە شاقىرمايمىز”, – دەدى ۆيتسە-مينيستر.
ەسكە سالساق, بۇعان دەيىن قورعانىس مينيسترلىگى جاستاردى كوشەدەن كۇشتەپ اكەتىپ جاتقان ۆيدەوعا پىكىر ءبىلدىرىپ, اسكەرگە شاقىرىلعانداردى پوليتسيا ماجبۇرلەپ اكەتۋگە قۇقىلى ەكەنىن ايتقان ەدى.
