Qazaqstanda endi kólik terezesinen qolyn shyǵarǵandarǵa aıyppul salynady

Foto: depositphotos.com

Qazaqstanda kólik terezesinen qolyn shyǵarǵan jolaýshylar men júrgizýshilerge aıyppul salynady, dep jazdy qandastar.kz

Bul týraly Stan.kzaqparat agenttigi habarlaıdy.

Sondaı-aq qozǵalys kezinde terezeler men lıýkterden basqa da dene múshelerin shyǵarýǵa tyıym salynady. Bul zańdy buzǵan tulǵalarǵa 10 aılyq eseptik kórsetkish (AEK) mólsherinde aıyppul qarastyrylǵan.

Qazaqstanda terezeden dene múshelerin shyǵarýǵa tyıym salatyn zań 2011 jyldan beri qoldanysta. Alaıda, 2025 jylǵy 13 naýryzda bul talap kúsheıtildi. Ákimshilik quqyqbuzýshylyq týraly kodekske engizilgen ózgeristerge sáıkes, kólik salonynan tys jerde adam tasymaldaǵany úshin jeke jaýapkershilik belgilendi.

Ishki ister mınıstrliginiń málimetinshe, bul talap kólik terezeleri men lıýkterinen bas, qol nemese aıaq shyǵarý jaǵdaılaryna da qatysty. Sonymen qatar, kólik júrip kele jatqanda esikti ashýǵa da tyıym salynady. Mundaı áreketter jol qozǵalysyna qatysýshylardyń ómiri men densaýlyǵyna qaýip tóndiredi jáne júrgizýshiniń nazaryn buzady dep baǵalanady.

Jańa normaǵa sáıkes, bul erejeni buzǵany úshin 10 AEK (shamamen 39,3 myń teńge) mólsherinde aıyppul qarastyrylǵan. Mundaı áreketterge jol bergen jaǵdaıda jaýapkershilik jolaýshylarǵa emes, júrgizýshiniń ózine júkteledi.

Jańa talaptardyń oryndalýyn polıııa tek kóshedegi patrýlder ǵana emes, sondaı-aq jol boıyndaǵy beınebaqylaý kameralaryndaǵy jazbalar arqyly da baqylaıdy.

Ishki ister mınıstrligi júrgizýshilerge kólik salonyndaǵy jolaýshylardyń tártibin muqııat baqylaýǵa shaqyrady. Bul ásirese, ádemi kadrlar úshin áleýmettik jelilerge vıdeo nemese foto túsirýge tyrysatyn balalar men jasóspirimderge qatysty.

Eske salsaq, buǵan deıin Oralda jol erejesin buzǵan «О́rmekshi adam» men «Sýpermen» aıyppul arqalaǵany týralyjazǵan edik.