Qazaqstanda endi tabysy az jáne muqtaj azamattar turǵyn úı sertıfıkatyn onlaın ala alady

Foto: pixabay.com

Elimizde endi tabysy az ári baspanaǵa muqtaj azamattarǵa arnalǵan turǵyn úı sertıfıkattaryn onlaın Egov.kz saıty arqyly ala alady. Bul týraly qandastar.kz 31-arnanyń “Informbıýro” baǵdarlamasyna silteme jasap habarlaıdy.

Sertıfıkat áleýmettik osal toptaǵy, múgedek balalardy asyraýshy ne tolyq emes otbasylarǵa jeńildik retinde qarastyrylǵan. Bul azamattarǵa turǵyn úı baǵdarlamasymen baspana alýǵa arnalǵan jarnanyń bir bóligi memleket tarapynan tólenedi.

Al sertıfıkatty onlaın alý úshin ótinish berýshiler Egov.kz saıtyndaǵy “Jyljymaıtyn múlik” jáne “turǵyn úı qatynastary” bólimine ótýi kerek.