قازاقستاندا ەر ادامداردىڭ بوس ۋاقىتى ايەلدەرگە قاراعاندا ەكى ەسە كوپ

قازاقستاننىڭ ۇلتتىق ستاتيستيكا بيۋروسى 2024 جىلى «حالىقتىڭ ۋاقىت بيۋدجەتىن پايدالانۋى»اتتى مودۋلدىك زەرتتەۋ جۇرگىزدى, دەپ حابارلايدى Qandastar.kz اقپاراتتىق پورتالى.

جۇمىس (جۇمىسپەن قامتۋ) كۇنىنە 2 ساعات 56 مينۋت (12,2%), ءۇي شارۋاشىلىعىنا – 3 ساعات 14 مينۋت (13,5%), وقۋعا – 28 مينۋت (2%), جەكە تۇتىنۋ تاۋارلارىن وندىرۋگە – 12 مينۋت (0,8%), بوس ۋاقىت – 4 ساعات 9 مينۋت (17,3%).

15 جانە ودان جوعارى جاستاعى ەر ادامدار جۇمىسقا ورتا ەسەپپەن 5 ساعات 13 مينۋت جۇمساسا, ايەلدەر 4 ساعات 18 مينۋت جۇمسايدى. سونىمەن بىرگە ايەلدەر ءۇي شارۋاسىنا ەر ادامدارعا قاراعاندا كوبىرەك ۋاقىت بولەدى. ماسەلەن, ايەلدەر كۇنىنە 4 ساعات 5 مينۋتىن ارناسا, ەرلەر نەبارى 1 ساعات 51 مينۋت بولەدى. ناتيجەسىندە ەرلەردىڭ بوس ۋاقىتى ايەلدەرگە قاراعاندا كوبىرەك, ياعني كۇنىنە 4 ساعات 4 مينۋت, ال ايەلدەردە 2 ساعات 56 مينۋت.

جۇمىس ىستەيتىن ازاماتتاردىڭ ىشىندە ەر ادامدار جۇمىسقا ورتا ەسەپپەن 9 ساعات 7 مينۋت, ايەلدەر 7 ساعات 57 مينۋت جۇمسايدى. بۇل رەتتە بوس ۋاقىتقا سايكەسىنشە 2 ساعات 31 مينۋت جانە 1 ساعات 50 مينۋت قالادى.

ساۋالناما 2024 جىلدىڭ قاڭتارىنان جەلتوقسانىنا دەيىن جۇرگىزىلدى. وعان 10 جاستان اسقان 11 914 رەسپوندەنت قاتىستى. زەرتتەۋ التى جىلدا ءبىر رەت جۇرگىزىلەدى. ساۋالناما ناتيجەسى ۇلتتىق ستاتيستيكا باسقارماسىنىڭ ۆەب-سايتىنداعى تۇرمىس دەڭگەيى ستاتيستيكاسى بولىمىندە تولىعىراق كورسەتىلگەن.