Qazaqstanda er adamdardyń bos ýaqyty áıelderge qaraǵanda eki ese kóp

Qazaqstannyń Ulttyq statıstıka bıýrosy 2024 jyly «halyqtyń ýaqyt bıýdjetin paıdalanýy»atty modýldik zertteý júrgizdi, dep habarlaıdy Qandastar.kz aqparattyq portaly.

Jumys (jumyspen qamtý) kúnine 2 saǵat 56 mınýt (12,2%), úı sharýashylyǵyna – 3 saǵat 14 mınýt (13,5%), oqýǵa – 28 mınýt (2%), jeke tutyný taýarlaryn óndirýge – 12 mınýt (0,8%), bos ýaqyt – 4 saǵat 9 mınýt (17,3%).

15 jáne odan joǵary jastaǵy er adamdar jumysqa orta eseppen 5 saǵat 13 mınýt jumsasa, áıelder 4 saǵat 18 mınýt jumsaıdy. Sonymen birge áıelder úı sharýasyna er adamdarǵa qaraǵanda kóbirek ýaqyt bóledi. Máselen, áıelder kúnine 4 saǵat 5 mınýtyn arnasa, erler nebári 1 saǵat 51 mınýt bóledi. Nátıjesinde erlerdiń bos ýaqyty áıelderge qaraǵanda kóbirek, ıaǵnı kúnine 4 saǵat 4 mınýt, al áıelderde 2 saǵat 56 mınýt.

Jumys isteıtin azamattardyń ishinde er adamdar jumysqa orta eseppen 9 saǵat 7 mınýt, áıelder 7 saǵat 57 mınýt jumsaıdy. Bul rette bos ýaqytqa sáıkesinshe 2 saǵat 31 mınýt jáne 1 saǵat 50 mınýt qalady.

Saýalnama 2024 jyldyń qańtarynan jeltoqsanyna deıin júrgizildi. Oǵan 10 jastan asqan 11 914 respondent qatysty. Zertteý alty jylda bir ret júrgiziledi. Saýalnama nátıjesi Ulttyq statıstıka basqarmasynyń veb-saıtyndaǵy Turmys deńgeıi statıstıkasy bóliminde tolyǵyraq kórsetilgen.