قازاقستاندا ەسكى كولىك يەلەرى ەكى ەسە از سالىق تولەيتىن بولدى

ۇلتتىق ەكونوميكا ۆيتسە-ءمينيسترى ازامات امرين جاڭا سالىق كودەكسىنىڭ جوباسى اياسىندا اۆتوكولىك جۇرگىزۋشىلەرىنە قانداي جاڭالىق بارىن ايتتى,-دەپ حابارلايدى Qandastar.kz

جاڭا سالىق كودەكسى جوباسىنىڭ تۇساۋكەسەرى «اتامەكەن» ۇكپ-دا ءوتتى. ء«بارىڭىزدى جەكە تۇلعا رەتىندە قىزىقتىراتىن نارسەگە توقتالايىن: مىسالى اركىمنىڭ كولىگى بار.

ەندى بارلىق جەكە تۇلعالار ءۇشىن كولىك قۇرالدارى بويىنشا بىزدە كولىك سالىعىنىڭ تومەندەتىلگەن مولشەرلەمەسى بولادى. ەگەر ماشينانىڭ قىزمەت مەرزىمى 10 جىلدان اسسا, وندا مولشەرلەمەنىڭ 30 پايىزعا تومەندەيدى, ەگەر ماشينانىڭ قىزمەت مەرزىمى 20 جىلدان اسسا – ەكى ەسە, سالىق مولشەرلەمەسى 50 پايىزعا تومەندەيدى», – دەدى امرين. ەكىنشى ماسەلە, ۆيتسە-ءمينيستردىڭ ايتۋىنشا, زەينەتكەرلەرگە قاتىستى.

«زەينەتكەرلەر ءۇشىن ءبىز جەكە تابىس سالىعىنىڭ مولشەرلەمەسىن قىسقارتامىز, ياعني زەينەتكەرلەر تابىس سالىعىن تولەمەيدى. نەگىزىنەن وسىنداي ۇسىنىستار بار»,-دەپ اتاپ ءوتتى ۆيتسە-مينيستر.