قازاقستاندا ەسكى كولىكتەرگە سالىناتىن سالىق ازايتىلادى

2026 جىلدان باستاپ ەسكى كولىك يەلەرىنە سالىق جەڭىلدىگى بەرىلەدى, دەپ حابارلادى qandastar.kz

قازاقستاندا ەسكى جەڭىل اۆتوكولىكتەرگە سالىناتىن سالىق ازايتىلماق. بۇل جەڭىلدىك 2026 جىلدىڭ 1 قاڭتارىنان باستاپ كۇشىنە ەنەدى. ياعني جاڭارتىلعان سالىق كودەكسى سول كۇننەن باستاپ قولدانىلا باستايدى.

turkystan.kz جازىلعانداي, جاڭا ءتارتىپ بويىنشا: جاسى 11 جىلدان 20 جىلعا دەيىنگى كولىكتەرگە — 30% جەڭىلدىك بەرىلەدى. 20 جىلدان اسقان كولىكتەرگە — 50% جەڭىلدىك قاراستىرىلعان. مىسالى, ءسىزدىڭ كولىگىڭىز بار دەلىك جانە ونى 2026 جىلدىڭ اقپانىندا ساتاتىن بولساڭىز: 2025 جىل ءۇشىن سالىقتى تولىق تولەيسىز (جەڭىلدىك جوق);

ال 2026 جىل ءۇشىن سالىق جەڭىلدىكپەن ەسەپتەلەدى, ياعني كولىكتى يەلەنگەن ايلارعا عانا جانە جەڭىلدىك مولشەرىنە ساي.

2025 جىلدىڭ 1 مامىرىنداعى رەسمي دەرەكتەر بويىنشا, قازاقستاندا 6,1 ميلليوننان استام كولىك تىركەلگەن. ونىڭ ىشىندە 5,3 ميلليونى — جەڭىل كولىك, ال 3,5 ميلليونى — 10 جىلدان اسقان ماشينالار.

ياعني كولىكتەردىڭ جارتىسىنان كوبى جاڭا سالىقتىق جەڭىلدىككە ىلىگەدى. بۇل كوپتەگەن ادامعا سالىقتى از تولەۋگە مۇمكىندىك بەرەدى.