Qazaqstanda eski kólikterge salynatyn salyq azaıtylady

2026 jyldan bastap eski kólik ıelerine salyq jeńildigi beriledi, dep habarlady qandastar.kz

Qazaqstanda eski jeńil avtokólikterge salynatyn salyq azaıtylmaq. Bul jeńildik 2026 jyldyń 1 qańtarynan bastap kúshine enedi. Iaǵnı jańartylǵan Salyq kodeksi sol kúnnen bastap qoldanyla bastaıdy.

turkystan.kz jazylǵandaı, jańa tártip boıynsha: Jasy 11 jyldan 20 jylǵa deıingi kólikterge — 30% jeńildik beriledi. 20 jyldan asqan kólikterge — 50% jeńildik qarastyrylǵan. Mysaly, sizdiń kóligińiz bar delik jáne ony 2026 jyldyń aqpanynda satatyn bolsańyz: 2025 jyl úshin salyqty tolyq tóleısiz (jeńildik joq);

Al 2026 jyl úshin salyq jeńildikpen esepteledi, ıaǵnı kólikti ıelengen aılarǵa ǵana jáne jeńildik mólsherine saı.

2025 jyldyń 1 mamyryndaǵy resmı derekter boıynsha, Qazaqstanda 6,1 mıllıonnan astam kólik tirkelgen. Onyń ishinde 5,3 mıllıony — jeńil kólik, al 3,5 mıllıony — 10 jyldan asqan mashınalar.

Iaǵnı kólikterdiń jartysynan kóbi jańa salyqtyq jeńildikke iligedi. Bul kóptegen adamǵa salyqty az tóleýge múmkindik beredi.