ءبىلىم
قازاقستاندا عىلىمي زەرتتەۋلەر بيۋدجەتتىڭ جانە سالىقتىڭ جەڭىلدىكتەرى ەسەبىنەن جۇرگىزىلەدى
عىلىم ءمينيسترىنىڭ م. ا. 2024 جىلعى 26 جەلتوقسانداعى بۇيرىعىمەن بيۋدجەت قاراجاتى ەسەبىنەن جانە بەرىلەتىن سالىق جەڭىلدىكتەرى شەڭبەرىندە قارجىلاندىرىلاتىن عىلىمي زەرتتەۋلەر مەن ازىرلەمەلەردى ۇيىمداستىرۋ قاعيدالارىن بەكىتتى, دەپ حابارلايدى qandastar.kz zakon.kz سىلتەمە جاساپ.
قۇجاتتا عىلىمي زەرتتەۋلەر ۇعىمى ناقتىلانعان:
«عىلىمي جانە (نەمەسە) عىلىمي-تەحنيكالىق قىزمەت ناتيجەلەرىنە قول جەتكىزۋ ماقساتىندا عىلىمي-زەرتتەۋ جۇمىستارى, تاجىريبەلىك-كونسترۋكتورلىق جانە تەحنولوگيالىق جۇمىستار شەڭبەرىندە عىلىمي جانە (نەمەسە) عىلىمي-تەحنيكالىق قىزمەت سۋبەكتىلەرى ءتيىستى عىلىمي ادىستەرمەن جانە قۇرالدارمەن جۇزەگە اسىراتىن قولدانبالى, ىرگەلى, ستراتەگيالىق عىلىمي زەرتتەۋلەر».
عىلىمي زەرتتەۋلەر مەن ازىرلەمەلەردى جۇرگىزۋدىڭ مىندەتتەرى:
- جوبالىق عىلىمي قىزمەتتى جۇزەگە اسىرۋدىڭ بىرىڭعاي قولجەتىمدى جاعدايلارىن جاساۋ;
- جوبانىڭ ماقساتىنا قول جەتكىزۋدەگى مىندەتتەردىڭ ارقايسىسىنىڭ ءرولىنىڭ جانە باسقا مىندەتتەرمەن جانە جوبانىڭ كۇتىلەتىن ناتيجەلەرىمەن ءوزارا بايلانىسىنىڭ قىسقاشا نەگىزدەمەلەرى;
- عىلىمي قىزمەتتى جۇزەگە اسىرۋعا, ەسەپتىك ماتەريالداردى دايىنداۋعا بايلانىستى راسىمدەردى رەتكە كەلتىرۋ;
- جوبالىق عىلىمي قىزمەتتى جۇزەگە اسىرۋ كەزىندە جانە ەسەپتى ماتەريالداردى دايىنداۋ كەزىندە قاتەلىكتەر جىبەرۋدىڭ تاۋەكەل فاكتورلارىن قىسقارتۋ;
- عىلىمي قىزمەتتى سيپاتتايتىن اقپاراتپەن جۇمىس ىستەۋ تاسىلدەرىن جۇيەلەۋ;
- زاڭنىڭ 16-بابىنىڭ 2-تارماعىنا سايكەس ءوتىنىم بەرۋ جانە جوبانى اياقتاۋ ساتىسىندا ازىرلەمەلەردىڭ تەحنولوگيالىق ازىرلىگىنىڭ دەڭگەيىن كورسەتە وتىرىپ, مىندەتتەردىڭ ولشەنەتىن كورسەتكىشتەرىن كورسەتۋ بولىپ تابىلادى.
عىلىمي زەرتتەۋلەر مەن ازىرلەمەلەردى باسقارۋ مىناداي قاعيداتتارعا نەگىزدەلەدى:
- عىلىمي جانە (نەمەسە) عىلىمي-تەحنيكالىق قىزمەتتىڭ باسىمدىقتارى;
- عىلىمي جانە (نەمەسە) عىلىمي-تەحنيكالىق قىزمەت سۋبەكتىلەرىنىڭ اشىقتىعى, وبەكتيۆتىلىگى جانە تەڭدىگى;
- عىلىمي, عىلىمي-تەحنيكالىق جوبالار مەن باعدارلامالار ساراپتاماسىنىڭ وبەكتيۆتىلىگى مەن تاۋەلسىزدىگى;
- عىلىمي زەرتتەۋلەردىڭ ەكونوميكالىق تيىمدىلىگى مەن ناتيجەلىلىگى;
- عىلىم, ءبىلىم جانە ءوندىرىستىڭ ينتەگراتسياسى;
- عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرتسيالاندىرۋدى ىنتالاندىرۋ;
- تەحنولوگيالار ترانسفەرتى.
