Bilim
Qazaqstanda ǵylymı zertteýler bıýdjettiń jáne salyqtyń jeńildikteri esebinen júrgiziledi
Ǵylym mınıstriniń m. a. 2024 jylǵy 26 jeltoqsandaǵy buıryǵymen bıýdjet qarajaty esebinen jáne beriletin salyq jeńildikteri sheńberinde qarjylandyrylatyn ǵylymı zertteýler men ázirlemelerdi uıymdastyrý qaǵıdalaryn bekitti, dep habarlaıdy qandastar.kz zakon.kz silteme jasap.
Qujatta ǵylymı zertteýler uǵymy naqtylanǵan:
«Ǵylymı jáne (nemese) ǵylymı-tehnıkalyq qyzmet nátıjelerine qol jetkizý maqsatynda ǵylymı-zertteý jumystary, tájirıbelik-konstrýktorlyq jáne tehnologııalyq jumystar sheńberinde ǵylymı jáne (nemese) ǵylymı-tehnıkalyq qyzmet sýbektileri tıisti ǵylymı ádistermen jáne quraldarmen júzege asyratyn qoldanbaly, irgeli, strategııalyq ǵylymı zertteýler».
Ǵylymı zertteýler men ázirlemelerdi júrgizýdiń mindetteri:
- jobalyq ǵylymı qyzmetti júzege asyrýdyń biryńǵaı qoljetimdi jaǵdaılaryn jasaý;
- jobanyń maqsatyna qol jetkizýdegi mindetterdiń árqaısysynyń róliniń jáne basqa mindettermen jáne jobanyń kútiletin nátıjelerimen ózara baılanysynyń qysqasha negizdemeleri;
- ǵylymı qyzmetti júzege asyrýǵa, eseptik materıaldardy daıyndaýǵa baılanysty rásimderdi retke keltirý;
- jobalyq ǵylymı qyzmetti júzege asyrý kezinde jáne esepti materıaldardy daıyndaý kezinde qatelikter jiberýdiń táýekel faktorlaryn qysqartý;
- ǵylymı qyzmetti sıpattaıtyn aqparatpen jumys isteý tásilderin júıeleý;
- Zańnyń 16-babynyń 2-tarmaǵyna sáıkes ótinim berý jáne jobany aıaqtaý satysynda ázirlemelerdiń tehnologııalyq ázirliginiń deńgeıin kórsete otyryp, mindetterdiń ólshenetin kórsetkishterin kórsetý bolyp tabylady.
Ǵylymı zertteýler men ázirlemelerdi basqarý mynadaı qaǵıdattarǵa negizdeledi:
- ǵylymı jáne (nemese) ǵylymı-tehnıkalyq qyzmettiń basymdyqtary;
- ǵylymı jáne (nemese) ǵylymı-tehnıkalyq qyzmet sýbektileriniń ashyqtyǵy, obektıvtiligi jáne teńdigi;
- ǵylymı, ǵylymı-tehnıkalyq jobalar men baǵdarlamalar saraptamasynyń obektıvtiligi men táýelsizdigi;
- ǵylymı zertteýlerdiń ekonomıkalyq tıimdiligi men nátıjeliligi;
- ǵylym, bilim jáne óndiristiń ıntegraııasy;
- ǵylymı jáne (nemese) ǵylymı-tehnıkalyq qyzmet nátıjelerin kommerııalandyrýdy yntalandyrý;
- tehnologııalar transferti.
