قازاقستاندا حالىق سانى ارتتى

ۇلتتىق ستاتيستيكا بيۋروسى 2024 جىلعى 1 جەلتوقسانداعى جاعداي بويىنشا قازاقستان حالقىنىڭ سانى تۋرالى مالىمەتتەردى جاريالادى, دەپ جازدى qandastar.kz

بيۋرو مالىمەتىنە سايكەس, 1 جەلتوقساندا قازاقستاندا 20 265 320 ادام تۇرعان. 2024 جىلدىڭ باسىمەن سالىستىرعاندا حالىق سانى 231 478 ادامعا ءوستى. تابيعي ءوسىم 217 133 ادام بولسا, كوشى-قون سالدوسى 14 345 ادام بولعان.

قازاقستاندا ميلليوننان اسا تۇرعىنى بار ءۇش قالا بار:

الماتى (2 286 328 ادام), استانا (1 520 756 ادام), شىمكەنت (1 253 280 ادام).سونداي-اق, حالقى ميلليوننان اساتىن وبلىستار: تۇركىستان وبلىسى (2 154 304 ادام), الماتى وبلىسى (1 557 932 ادام), جامبىل وبلىسى (1 222 411 ادام) جانە قاراعاندى وبلىسى (1 134 002 ادام).

قازاقستاندىقتاردىڭ كوپشىلىگى قالالاردا تۇرادى: 12 629 615 ادام. اۋىلدىق جەرلەردە 7 519 966 ادام ءومىر سۇرەدى.