قازاقستاندا حالىق سانى قاي وڭىردە كوپ?

قازاقستان حالقىنىڭ ناقتى ستاتيستيكاسى شىقتى. ۇلتتىق ستاتيستيكا بيۋروسى 2025 جىلدىڭ 1 ساۋىرىنە دەيىنگى قازاقستان حالقىنىڭ سانى تۋرالى مالىمەتتەردى جاريالادى, دەپ حابارلايدى qandastar.kz

ستاتيستيكا بيۋروسىنىڭ اقپاراتىنا سايكەس, 1 ساۋىردەگى جاعداي بويىنشا ەلدە 20 333 530 ادام تۇرادى. الماتى (2 305 765 ادام) مەن تۇركىستان وبلىسىندا (2 154 308 ادام) شامامەن 4,5 ميلليون قازاقستاندىق ءومىر سۇرەدى. الماتى وبلىسىندا (1 568 757 ادام) جانە استانادا (1 551 213 ادام) 1,5 ميلليوننان استام حالىق بار. استانا حالىق ءوسىمى بويىنشا رەسپۋبليكادا الدىڭعى ورىندا تۇر – 1,47 پايىز.

1 ميلليوننان استام ادام شىمكەنتتە (1 264 492 ادام), جامبىل (1 221 100 ادام) جانە قاراعاندى (1 133 436 ادام) وبلىستارىندا تۇرادى. قازاقستان حالقىنىڭ 12 833 140-ى قالالاردا, ال 7 500 390-ى اۋىلدىق جەرلەردە ءومىر سۇرەدى.