Qazaqstanda halyq sany qaı óńirde kóp?

Qazaqstan halqynyń naqty statıstıkasy shyqty. Ulttyq statıstıka bıýrosy 2025 jyldyń 1 sáýirine deıingi Qazaqstan halqynyń sany týraly málimetterdi jarııalady, dep habarlaıdy qandastar.kz

Statıstıka bıýrosynyń aqparatyna sáıkes, 1 sáýirdegi jaǵdaı boıynsha elde 20 333 530 adam turady. Almaty (2 305 765 adam) men Túrkistan oblysynda (2 154 308 adam) shamamen 4,5 mıllıon qazaqstandyq ómir súredi. Almaty oblysynda (1 568 757 adam) jáne Astanada (1 551 213 adam) 1,5 mıllıonnan astam halyq bar. Astana halyq ósimi boıynsha respýblıkada aldyńǵy orynda tur – 1,47 paıyz.

1 mıllıonnan astam adam Shymkentte (1 264 492 adam), Jambyl (1 221 100 adam) jáne Qaraǵandy (1 133 436 adam) oblystarynda turady. Qazaqstan halqynyń 12 833 140-y qalalarda, al 7 500 390-y aýyldyq jerlerde ómir súredi.