قازاقستاندا حالىق سانى كوبەيدى

فوتو:sputnik.kz

ۇلتتىق ستاتيستيكا بيۋروسى ءبىر جىلدا قازاقستاندىقتاردىڭ سانى كوبەيگەنىن مالىمدەدى. بيۋرو ءار وڭىردەگى ناقتىلانعان مالىمەتتەردى ۇسىندى, دەپ جازدى qandastar.kz

2025 جىلدىڭ 1 قاڭتارىنداعى جاعداي بويىنشا قازاقستاندا 20 286 084 ادام تۇرادى. ءبىر جىلدا قازاقستاندىقتاردىڭ سانى 252 242 ادامعا ءوستى.

قالا حالقىنىڭ سانى 12 774 743 ادام بولسا, اۋىلدىق جەرلەردە 7 511 341 ادام تۇرادى.

حالىق تىعىز ورنالاسقان وبلىستارعا كەلسەك, ولاردىڭ قاتارىندا الماتى قالاسى مەن تۇركىستان وبلىسى بار. قالا مەن وبلىستا سايكەسىنشە 2 292 333 جانە 2 154 334 ادام تۇرادى.

سوڭعى مالىمەتتەر بويىنشا, ەل استاناسىندا 1 528 887 ادام تۇرادى. قازاقستاننىڭ ءۇشىنشى قالاسى شىمكەنتتە 1 256 263 ادام تۇرادى.

قازاقستان حالقىنىڭ سانى 2024 جىلعى 1 جەلتوقساندا 20 265 320 ادام بولدى, ونىڭ ىشىندە: قالا تۇرعىندارى – 12 751 309 ادام; اۋىل تۇرعىندارى – 7 514 011 ادام.