Qazaqstanda iPhone qymbattaıdy

Apple bıyl kúzge josparlaǵan jańa iPhone modelderiniń baǵasyn kóterý múmkindigin qarastyryp jatyr, dep habarlaıdy qandastar.kz saıty.
Telefondardy qymbattatýdyń negizgi sebebi – AQSh-tyń Qytaıda jasalǵan smartfondarǵa salynǵan 20%-dyq ımporttyq baj salyǵynyń kúshinde qalýy. Bul salyqtar Donald Tramp prezıdent bolǵan ýaqytta Qytaımen saýda soǵysy barysynda engizilgen edi. Sońǵy kelissózder kezinde qandaı da bir jeńildikter jasalǵanymen, smartfondarǵa qatysty tarıfter ózgerissiz qaldy. Osyǵan baılanysty Apple shyǵyndardy óteýdiń joldaryn izdeýge májbúr.
Apple iPhone qunynyń ósýin saýda shekteýlerimen baılanystyrýdy josparlamaıdy. Insaıderlerdiń aıtýynsha, kerisinshe, Apple jańa iPhone modelderindegi ınnovaııalyq fýnkııalardy, jetildirilgen dızaın men ónimdilikti alǵa tartpaq.

Baǵanyń ósýi iPhone Pro jáne Pro Max sekildi flagmandyq modelderge qatysty bolady degen boljam bar. Bul qurylǵylar áli de Qytaıdaǵy zaýyttarda jınalady.

Búginde Apple jetkizý tizbegin ártaraptandyrýdy bastap ketken. Kompanııa óndiristik qýattyń bir bóligin Úndistanǵa aýystyryp jatyr. Alaıda qazi Qytaı joǵary sanatty qurylǵylarǵa arnalǵan komponentterdi jınaqtaý men jetkizýdiń negizgi ortalyǵy bolyp otyr.

Sarapshylardyń boljamynsha, AQSh naryǵyn tolyqtaı Úndistandaǵy óndiris esebinen qamtamasyz etý 2026–2027 jyldarǵa deıin múmkin bolmaıdy.

Apple kompanııasynyń bas dırektory Tım Kýk ınvestorlardy aldaǵy toqsanda saýda baj salyǵy kompanııaǵa qosymsha 900 mıllıon dollar shyǵyn ákeletinin eskertti. Ol óndiristiń bir bóligin AQSh-qa kóshirý jospary bar ekenin rastady. Alaıda jergilikti óndiristi jolǵa qoıý shyǵyndaryna baılanysty bul proess birneshe jylǵa sozylýy múmkin ekenin aıtady.