قازاقستاندا ءىرى زاۋىتتارداعى ۇرلىق سحەمالارى اشكەرەلەندى

فيگۋرانتتار مەتالدىڭ كەزەكتى پارتياسىن شىعارۋ كەزىندە قىلمىس ۇستىندە ۇستالدى. ولاردىڭ ءىس-ارەكەتتەرىنەن كاسىپورىنعا 30 ملن تەڭگە سوماسىندا شىعىن كەلتىرىلدى.

قىلمىستىق ءىس ۇرلىقتىڭ بىرنەشە ەپيزودتارى بويىنشا تەرگەلۋدە. ۇلىتاۋ وبلىسىندا ۇيىمداسقان قىلمىسقا قارسى كۇرەس باسقارماسى «قازاقمىس» كورپوراتسياسىنىڭ قاۋىپسىزدىك قىزمەتىمەن بىرلەسىپ, كورسەتىلگەن كاسىپورىننىڭ جۇمىسكەرلەرىنەن تۇراتىن ەكى توپ ۇستادى.

ولار تاۋارلىق-ماتەريالدىق قۇندىلىقتاردى ۇرلاۋ سحەماسىن ۇيىمداستىرعان.

ء«بىرىنشى جاعدايدا توپ مۇشەلەرىنىڭ ءبىرى ۋچاسكە باستىعى بولىپ تابىلادى. ولار 16 ملن تەڭگەدەن استام سوماعا كاسىپورىن مۇلكىن ۇرلاعان. ەكىنشى توپتا قىلمىستاردى جاساۋعا كورپوراتسيا باسقارمالارىنىڭ ءبىرىنىڭ باسشىسى قاتىسقان. ولار ۇرلانعان زاتتاردى كاسىپورىن اۋماعىنان قۇجاتتاردى قولدان جاساۋ ارقىلى شىعارىپ وتىرعان. اتالعان فاكتىلەر بويىنشا فيگۋرانتتاردىڭ قۇقىققا قارسى ارەكەتتەرى تۋرالى دالەلدەر جينالدى. بارلىق كۇدىكتىلەر ۇستالدى», – دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.

سوتقا دەيىنگى تەرگەپ-تەكسەرۋ ادامدار توبىمەن الدىن الا ءسوز بايلاسۋ ارقىلى جاسالعان ۇرلىق فاكتىلەرى بويىنشا جۇرگىزىلۋدە.

«سونداي-اق «Qarmet» اق-دان م ۇلىك ۇرلاۋدى ۇيىمداستىرعانى ءۇشىن 2023 جىلى ۇستالعان توپتاردىڭ ءبىرىنىڭ مۇشەلەرى ۇزاق مەرزىمگە سوتتالعانىن اتاپ ءوتۋ قاجەت. وسى كاسىپورىندا ۇرلىق جاساعان باسقا دا ەكى ۇيىمداسقان قىلمىستىق توپقا قاتىستى تەرگەۋ اياقتالدى. قىلمىستىق ىستەر سوتقا جىبەرىلدى. ءىرى ونەركاسىپ وبەكتىلەرىندە ۇيىمداسقان قىلمىستىق توپتاردىڭ كريمينالدىق ارەكەتتەرىنىڭ جولىن كەسۋ جونىندەگى جۇمىس ىشكى ىستەر مينيسترلىگىنىڭ باقىلاۋىندا», – دەدى سپيكەر.