Qazaqstanda iri zaýyttardaǵy urlyq shemalary áshkerelendi

Fıgýranttar metaldyń kezekti partııasyn shyǵarý kezinde qylmys ústinde ustaldy. Olardyń is-áreketterinen kásiporynǵa 30 mln teńge somasynda shyǵyn keltirildi.

Qylmystyq is urlyqtyń birneshe epızodtary boıynsha tergelýde. Ulytaý oblysynda uıymdasqan qylmysqa qarsy kúres basqarmasy «Qazaqmys» korporaııasynyń qaýipsizdik qyzmetimen birlesip, kórsetilgen kásiporynnyń jumyskerlerinen turatyn eki top ustady.

Olar taýarlyq-materıaldyq qundylyqtardy urlaý shemasyn uıymdastyrǵan.

«Birinshi jaǵdaıda top músheleriniń biri ýchaske bastyǵy bolyp tabylady. Olar 16 mln teńgeden astam somaǵa kásiporyn múlkin urlaǵan. Ekinshi topta qylmystardy jasaýǵa korporaııa basqarmalarynyń biriniń basshysy qatysqan. Olar urlanǵan zattardy kásiporyn aýmaǵynan qujattardy qoldan jasaý arqyly shyǵaryp otyrǵan. Atalǵan faktiler boıynsha fıgýranttardyń quqyqqa qarsy áreketteri týraly dálelder jınaldy. Barlyq kúdiktiler ustaldy», – dedi IIM uıymdasqan qylmysqa qarsy kúres departamentiniń ókili Qýandyq Alpys.

Sotqa deıingi tergep-tekserý adamdar tobymen aldyn ala sóz baılasý arqyly jasalǵan urlyq faktileri boıynsha júrgizilýde.

«Sondaı-aq «Qarmet» AQ-dan múlik urlaýdy uıymdastyrǵany úshin 2023 jyly ustalǵan toptardyń biriniń músheleri uzaq merzimge sottalǵanyn atap ótý qajet. Osy kásiporynda urlyq jasaǵan basqa da eki uıymdasqan qylmystyq topqa qatysty tergeý aıaqtaldy. Qylmystyq ister sotqa jiberildi. Iri ónerkásip obektilerinde uıymdasqan qylmystyq toptardyń krımınaldyq áreketteriniń jolyn kesý jónindegi jumys Ishki ister mınıstrliginiń baqylaýynda», – dedi spıker.