قازاقستاندا قايتىس بولعان ادامداردىڭ اتىنان كرەديتتەر الىنىپ جاتىر

فوتو: Ulysmedia.kz

باس پروكۋرور بەرىك اسىلوۆ دەپۋتاتتارعا بەرگەن جاۋابىندا ەلدە كيبەرالاياقتىققا قاتىستى قانداي ىستەر تىركەلىپ جاتقانىن حابارلادى, دەپ جازادى qandastar.kz

Ulysmedia.kz حابارلاعانداي, قارجى الاياقتىققا قارسى قوسىمشا تەتىكتەردى ىسكە اسىرۋ ماقساتىندا 2024 جىلى 5 جەلتوقساندا ۇكىمەت جاڭا جول كارتاسىن بەكىتكەن. ول 35 ءىس-شارانى قامتيدى, ونىڭ ىشىندە بانكتەر مەن مقۇ جاۋاپكەرشىلىگىن رەتتەيتىن ۇلتتىق زاڭنامانى جەتىلدىرۋ, جəبىرلەنۋشىلەرگە اقشالاي قاراجاتتى وتەۋ, سونداي-اق كرەديت بەرۋ كەزىندە «ويلانۋ كەزەڭىن» ەنگىزۋ مəسەلەلەرى قاراستىرىلعان.

جالپى, قابىلدانعان شارالار مۇنداي قىلمىستاردىڭ جاپپاي تارالۋىن بۇرىنعى دەڭگەيدە ۇستاپ تۇرۋعا مۇمكىندىك بەرەدى, دەگەنمەن قارجى سەكتورىندا كەيبىر مəسەلەلەر ءəلى دە ساقتالىپ وتىر. ونىڭ ىشىندە كرەديتتەردى وڭاي الۋ مۇمكىندىگى. كليەنتتەردىڭ ناقتى قاتىسۋىنسىز, سونىڭ ىشىندە قايتىس بولعان ادامداردىڭ اتىنا قارىزدار مەن ميكروكرەديتتەر رəسىمدەۋ, سونداي-اق شەتەلدىك ازاماتتارعا زاڭسىز شوت اشۋ فاكتىلەرى انىقتالدى, – دەلىنگەن جاۋاپتا.

كەيىنگى ەكى ايدا قارجى ۇيىمدارىنىڭ قىزمەتكەرلەرىنە قاتىستى لاۋازىمدىق وكىلەتتىكتەرىن تەرىس پايدالانۋ (قك-ءنىڭ 250-بابى) جəنە ءوز مىندەتتەرىنە ادال قاراماۋ (قك-ءنىڭ 254-بابى) فاكتىلەرى بويىنشا 67 قىلمىستىق ءىس تىركەلگەن. مىسالى, اقمولا وبلىسىندا پروكۋرورلار 2022 جىلدان بەرى ءۇيسىز جəنە əلەۋمەتتىك وسال ازاماتتاردىڭ اتىنا كرەديت رəسىمدەگەن ۇيىمداسقان قىلمىستىق توپتىڭ əرەكەتىن تەرگەپ-تەكسەرىپ جاتىر (12 ادام كۇزەتپەن ۇستاۋدا). زالال كولەمى 10 ملرد تەڭگەدەن استى, ال جəبىرلەنۋشىلەر سانى 1 مىڭنان اسقان.  كەيبىر بانكتەر بۇل ءىس بويىنشا جəبىرلەنۋشى بولىپ تانىلىپ, ولارعا كەلتىرىلگەن زالال سوماسى 1 ملرد تەڭگەدەن اسادى.