Qazaqstanda qaıtys bolǵan adamdardyń atynan kredıtter alynyp jatyr

Foto: Ulysmedia.kz

Bas prokýror Berik Asylov depýtattarǵa bergen jaýabynda elde kıberalaıaqtyqqa qatysty qandaı ister tirkelip jatqanyn habarlady, dep jazady qandastar.kz

Ulysmedia.kz habarlaǵandaı, Qarjy alaıaqtyqqa qarsy qosymsha tetikterdi iske asyrý maqsatynda 2024 jyly 5 jeltoqsanda úkimet jańa jol kartasyn bekitken. Ol 35 is-sharany qamtıdy, onyń ishinde bankter men MQU jaýapkershiligin retteıtin ulttyq zańnamany jetildirý, jəbirlenýshilerge aqshalaı qarajatty óteý, sondaı-aq kredıt berý kezinde «oılaný kezeńin» engizý məseleleri qarastyrylǵan.

Jalpy, qabyldanǵan sharalar mundaı qylmystardyń jappaı taralýyn burynǵy deńgeıde ustap turýǵa múmkindik beredi, degenmen qarjy sektorynda keıbir məseleler əli de saqtalyp otyr. Onyń ishinde kredıtterdi ońaı alý múmkindigi. Klıentterdiń naqty qatysýynsyz, sonyń ishinde qaıtys bolǵan adamdardyń atyna qaryzdar men mıkrokredıtter rəsimdeý, sondaı-aq sheteldik azamattarǵa zańsyz shot ashý faktileri anyqtaldy, – delingen jaýapta.

Keıingi eki aıda qarjy uıymdarynyń qyzmetkerlerine qatysty laýazymdyq ókilettikterin teris paıdalaný (QK-niń 250-baby) jəne óz mindetterine adal qaramaý (QK-niń 254-baby) faktileri boıynsha 67 qylmystyq is tirkelgen. Mysaly, Aqmola oblysynda prokýrorlar 2022 jyldan beri úısiz jəne əleýmettik osal azamattardyń atyna kredıt rəsimdegen uıymdasqan qylmystyq toptyń əreketin tergep-tekserip jatyr (12 adam kúzetpen ustaýda). Zalal kólemi 10 mlrd teńgeden asty, al jəbirlenýshiler sany 1 myńnan asqan.  Keıbir bankter bul is boıynsha jəbirlenýshi bolyp tanylyp, olarǵa keltirilgen zalal somasy 1 mlrd teńgeden asady.