Qazaqstanda qandaı kólikterge sán-saltanat salyǵy salynady? Ekonomıka mınıstrligi jaýaby

Ulttyq ekonomıka mınıstrliginiń Salyq jáne keden saıasaty departamentiniń basshysy Erlan Saǵnaev Qazaqstanda qandaı kólikterge sán-saltanat salyǵy salynatynyn aıtty,-dep habarlaıdy Qandastar.kz

Sán-saltanat salyǵy salynatyn lıýks kólikter tizimine Rolls-Royce, eń sońǵy Mercedes jáne premıým-klass Lexus kiredi. Sodaı-aq, Sagnaev osyndaı qymbat kólikteri bar qazaqstandyqtardyń sany týraly aıtty.

«Biz quny 75 mıllıon teńgeden joǵary bolatyn jeńil avtomobılder úshin shekti kedendik qundy belgiledik. Eger avtomobıldiń kedendik quny osy shekten asyp ketse, oǵan qosymsha 10 paıyzdyq akızge salyq salynady. Memlekettik kirister komıtetiniń (MKK) málimetteri boıynsha, sońǵy eki jylda osyndaı 270-ke jýyq avtomobıl ákelingen. Bul Memleket basshysynyń tapsyrmasyna sáıkes keledi, ol sán-saltanat salyǵy orta sanatqa áser etpeýi kerek ekenin atap ótti. Bul shara sońǵy eki jylda 300 adamnan aspaıtyn, premıým-klasty avtokólikterdi satyp alýǵa qabiletti azamattar sanatyna baǵyttalǵan», – dep túsindirdi Saǵnaev.