Qazaqstanda Kcell jáne Activ abonentteri jappaı baılanys pen ınternetsiz qaldy

Foto: depositphotos.com

Kcell jáne Activ paıdalanýshylary operator jumysyna jappaı shaǵymdanyp jatyr. Qazaqstandyqtardyń aıtýynsha, eki saǵattan astam ýaqyt boıy uıaly baılanys pen ınternet joq, dep jazdy qandastar.kz

Bul týraly Stan.kz aqparat agenttigi habarlaıdy.

Abonentter áleýmettik jelilerde máselelerin bólisip jatyr:

«Internet istemeı qaldy, múlde joq, tipti baılanys belgisi syzylyp tur. Bul qalaı bolǵany? Tarıfke qyrýar aqsha tóleımin», – delingen jeli qoldanýshysynyń jazbasynda.

Taǵy bir jeli qoldanýshysy operatordyń baılanys ortalyǵyna habarlasa almaı otyrǵanyn aıtqan.

«Ashýlanyp otyrmyn, kún ortasynda baılanys joǵalyp ketti. Baılanys ortalyǵyna da qosylý múmkin emes. Wi-Fi-syz júrý múmkin emes, eshteńe tóleı almaısyń», – deıdi taǵy bir jeli qoldanýshysy.

Uıaly baılanys operatorynyń baspasóz qyzmeti aqaý bolǵanyn rastap, apattyń sebepteri anyqtalyp jatqanyn habarlady.

«О́kinishke qaraı, qazir keıbir abonentter mobıldi ınternetke qosylýda qıyndyqtarǵa tap boldy. Bizdiń tehnıkalyq mamandar jaǵdaıdyń sebepterin anyqtap jatyr jáne máseleni jedel sheshý úshin bar kúshin salady. Ýaqytsha qolaısyzdyq úshin keshirim suraımyz jáne túsinistik tanytqandaryńyzǵa alǵys bildiremiz», – delingen kompanııa habarlamasynda.