Qazaqstanda keıbir túlekterdi áskerden bosatý usynyldy

Foto: tengrinews.kz

Eńbek jáne halyqty áleýmettik qorǵaý mınıstri Svetlana Jaqypova joǵary oqý oryndarynyń keıbir túlekterin áskerdegi qyzmetten bosatýdy usyndy. Vedomstvo basshysy búgin úkimet otyrysynda osyndaı usynys jasady, dep habarlaıdy qandastar.kz.

Otyrysta mınıstr jastardy jumyspen qamtý boıynsha qabyldanyp jatqan sharalar týraly aıtyp berdi.

«Búgingi tańda tehnıkalyq mamandyqtar boıynsha mamandar tapshylyǵyn eskere otyryp, atalǵan mamandyqtar boıynsha oqý oryndaryn bitirgen adamdardy áskerı boryshyn oryndaýdan bosatý, kolledjderde serjanttar quramyn daıarlaýǵa jáne áskerı daıarlyqtan ótýge baǵyttalǵan áskerı kafedralar ashý týraly máseleni qaraýdy usynamyn», – dep málimdedi Jaqypova.

Mınıstr jarııalaǵan tehnıkalyq mamandyqtardyń arasynda tehnık-qurylysshy, kenshi-metallýrg, munaıshy, energetık, qurylysshy, avtomehanık, ınjener jáne basqalary bar.