Qazaqstanda kıikterdi atý bastaldy

Foto: gov.kz

Batys Qazaqstan oblysy ákimdigi óńirde kıik sanyn retteý jumystary resmı túrde bastalǵanyn málimdedi, dep habarlaıdy Qandastar.kz.

Vedomstvo dereginshe, kıik atý jumystary 30 qarashaǵa deıin jalǵasady, oǵan 40-qa jýyq maman tartylyp, 4 arnaıy brıgada jasaqtalǵan. Ár brıgada 3 tehnıkamen qamtamasyz etilgen, jalpy sany 12 tehnıka jumyldyrylǵan.

«Kıik popýlıaııasyn retteý tabıǵı tepe-teńdikti saqtaý, jaıylym jerlerge zııan keltirmeý jáne aýyl sharýashylyǵy alqaptaryn qorǵaý maqsatynda uıymdastyrylyp otyr», – delingen habarlamada.

Ákimdik málimetinshe, 2025 jyly júrgizilgen avıaııalyq esepke sáıkes, Batys Qazaqstan oblysy aýmaǵynda kıikterdiń jalpy sany 2,3 mln basqa jetken. Ǵalymdar ázirlegen bıologııalyq negizdemege sáıkes, popýlıaııaǵa zalal keltirmeı, onyń tek 20 paıyzyna, ıaǵnı 460 myńǵa deıin ǵana retteý júrgizýge bolady.

Aýlanǵan kıik eti arnaıy belgilengen et óńdeý kásiporyndaryna jetkizilmek.

«Atap aıtqanda, bul ónimderdi «Kýbleı» JShS, «Jeńis» JK, «Batys-Nyq» JShS jáne «Haırov» JK qabyldaıdy. Bolashaqta taǵy basqa et kombınattarynyń da bul iske atsalysýy josparlanyp otyr», – dedi BQO orman sharýashylyǵy jáne janýarlar dúnıesi aýmaqtyq ınspekııasynyń basshysy Nurlan Rahymjanov.

Mamandardyń aıtýynsha, kıik popýlıaııasynyń baqylaýsyz kóbeıýi aýyl sharýashylyǵy jerlerine eleýli zııan keltirip, ekojúıede teńgerimsizdikke ákelýi múmkin. Sondyqtan kıik sanyn retteý jumystary Qazaqstan Respýblıkasy úkimetiniń tıisti qaýlysyna  sáıkes, barlyq zańnamalyq jáne ekologııalyq normaǵa saı iske asyrylmaq.