جاڭالىقتار
قازاقستاندا كينوجوبالار بايقاۋىنىڭ ەكىنشى كەزەڭى باستالدى
فوتو: اشىق دەرەككوز
ۇلتتىق كينونى قولداۋ ورتالىعى مەملەكەتتىك قولداۋعا ۇمىتكەر كينوجوبالاردى ىرىكتەۋ كونكۋرسىنىڭ ەكىنشى كەزەڭىن باستادى. ساراپتاما كەڭەسىنىڭ وڭ قورىتىندىسىن العان ستسەناري مەن ستسەناري جوسپارلارىنىڭ, كونكۋرستىق ىرىكتەۋدىڭ ەكىنشى كەزەڭىنە وتكەن كينوجوبالاردىڭ تىزىمىمەن وسى جەردە تانىسا الاسىز.
كونكۋرستىق ىرىكتەۋدىڭ ءبىرىنشى كەزەڭىندە وڭ قورىتىندى العان ۇمىتكەرلەر قۇجاتتاردى ەلەكتروندى فورماتتا تاپسىرۋى ءتيىس. بارلىق قاجەتتى قۇجاتتاردى ورتالىقتىڭ رەسمي سايتىنداعىhttps://kazakhcinema.kz/kz/konkurs_2025 سىلتەمە ارقىلى 2025 جىلدىڭ 18 ءساۋىر مەن 13 مامىر, ساعات 18:00-گە دەيىن جىبەرۋ قاجەت. اتاپ ءوتۋ قاجەت, ۇمىتكەرلەر مىنا تالاپتاردى ەسكەرۋى ءتيىس:
- قۇقىق قابىلەتتىلىگىنە (زاڭدى تۇلعالار ءۇشىن), ازاماتتىق ارەكەت قابىلەتتىلىگىنە (جەكە تۇلعالار ءۇشىن) يە بولۋى;
- رەسپۋبليكالىق بيۋدجەت تۋرالى زاڭدا ءتيىستى قارجى جىلىنا بەلگىلەنگەن ايلىق ەسەپتىك كورسەتكىشتىڭ التى ەسەلەنگەن مولشەرىنەن اساتىن سالىق بەرەشەگىنىڭ بولماۋى;
- بانكروتتىق نە تاراتۋ راسىمىنە جاتپاۋى (مالىمەتتەر ورتالىقپەن تەكسەرىلەردى).
وتىنىمدەردى تاپسىرعاننان كەيىن قۇجاتتاردىڭ تولىق ۇسىنىلماۋى انىقتالعان جاعدايدا كونكۋرستىق پروتسەستىڭ ادىلدىگى مەن اشىقتىعىن قامتاماسىز ەتۋ ماقساتىندا ءوتىنىش بەرۋشىگە انىقتالعان قاتەلەردى تۇزەتۋگە 3 جۇمىس كۇنى بەرىلەدى.
