Qazaqstanda kólik júrgizýshileri ózge bireýdiń qateligi úshin aıyppul arqalap jatyr

Foto: Baq.kz

Qazaqstandyq kólik júrgizýshileri ózderi jasamaǵan quqyqbuzýshylyqtar úshin aıyppul alyp jatqandaryn aıtyp shaǵymdandy. Sarapshylardyń pikirinshe, bul – jol qozǵalysyn baqylaý kameralarynyń kólik nómirlerin qate tanýyna baılanysty. Mundaı jaǵdaıda aıyppulmen kelispeı, ony joıýǵa bolady, dep habarlaıdy qandastar.kz  31 arnaǵa silteme jasap.

Aısha Qosheman esimdi júrgizýshige jyldamdyqty asyrdy degen aıyppen aıyppul jóninde habarlama kelgen. Alaıda onyń aıtýynsha, sol kúni ol múlde kólik júrgizbegen.

“Sol kúni qaladan shyqpaǵan soń, eOtinish arqyly ótinish jazdym. Aıyppuldy joıyp berdi, eshteńe tólemedim”, – deıdi ol.

Aısha bul máseleni jyldam ári qıyndyqsyz sheshe alǵan. Biraq mundaı joly bola bermeıtinder de bar. Keıde adamdar júıkesin qurtyp, ýaqytyn joǵaltyp, mán-jaıǵa úńilmesten, kelgen aıyppuldy birden tóleı salady. Al kameralardyń jumys isteý júıesi qatelikten ada emes.

“Elektronıka tek naqty syzyqtar men tańbalardy tanýǵa beıimdelgen. Jaryqtyń shaǵylýy nemese basqa faktorlar áser etken jaǵdaıda, júıe kóliktiń markasyn da elemeıdi. Ol nómirdi oqyp, belgili bir formatqa sáıkestendirip, kóringen nársege aıyppul sala salady”, – deıdi “Jalpy jol” qaýipsiz jol qozǵalysy qaýymdastyǵynyń prezıdenti Arsen Shakýov.

Al Ishki ister mınıstrligi mundaı jaǵdaılarda qasaqana nıet joq ekenin aıtyp, barlyq daýly máseleler zań sheńberinde sheshiletinin eskertedi.