قارجى جانە تولەمدەر
قازاقستاندا كوممۋنالدىق تاريف وسەدى
فوتو: اشىق دەرەككوز
ۇكىمەت باسشىسى ولجاس بەكتەنوۆ نارىقتىق باعا ساياساتىنا بىرتىندەپ كوشەتىنىمىزدى ايتتى, دەپ حابارلايدى qandastar.kz
«ۇكىمەت جانار-جاعارماي ماتەريالدارى مەن گاز باعاسىن, سونداي-اق تۇرعىن-ءۇي كوممۋنالدىق شارۋاشىلىعى جانە تەمىرجول تاسىمالى سالالارىنداعى تاريفتەردى كەزەڭ-كەزەڭمەن ىرىقتاندىرۋدى باستادى. بىرتىندەپ نارىقتىق باعا ساياساتىنا كوشۋ وسى سالالارعا قاجەتتى ينۆەستيتسيالاردى تارتۋعا جانە جانارماي تاپشىلىعىنىڭ الدىن الۋعا مۇمكىندىك بەرەدى. ءبىز باعانىڭ كۇرت قىمباتتاۋىنا جول بەرمەيمىز. وسىنى باسا ايتقىم كەلەدى», – دەيدى ولجاس اباي ۇلى ۇكىمەتتىڭ كەڭەيتىلگەن وتىرىسىندا.
