قازاقستاندا كوشى-قون سالاسىنداعى قىلمىستىق توپتار اشكەرە بولدى

فوتو: polisia.kz

ىشكى ىستەر مينيسترلىگىنىڭ ۇيىمداسقان قىلمىسقا قارسى كۇرەس بولىنىستەرى وسى ايدىڭ باسىنان باستاپ زاڭسىز كوشى-قوندى ۇيىمداستىرۋعا قاتىسى بار بىرنەشە قىلمىستىق توپتىڭ جولىن كەستى, – دەپ حابارلايدى qandastar.kz  Massaget.kz تىلشىسىنە سىلتەمە جاساپ.

ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىستىڭ سوزىنشە, قىلمىستىق سحەمالار مەملەكەتتىك شەكارانى زاڭسىز كەسىپ ءوتۋ, جالعان قۇجاتتاردى قولدانا وتىرىپ, شەتەلدىكتەرگە ۋاقىتشا تۇرۋعا جانە جۇمىس ىستەۋگە رۇقسات بەرۋدى راسىمدەۋ سياقتى قىزمەتتەردەن تۇرعان.

جامبىل وبلىسىندا جەرگىلىكتى تۇرعىن ۇستالدى. ول تاۋلى ايماق ارقىلى ەۋرووداق ەلدەرىنە تابىس ءۇشىن بارعىسى كەلەتىن الىس شەت ەلدەردىڭ ازاماتتارىنا زاڭسىز كوشى-قون ارناسىن ۇيىمداستىرعان. اتىراۋ وبلىسىندا ءۇش شەتەلدىك جالعان قۇجاتتاردى پايدالانا وتىرىپ, قازاقستان اۋماعىندا باسقا شەتەلدىكتەردى تىركەۋمەن اينالىسقان.

وسىعان ۇقساس قىلمىستىق سحەما ەلوردادا اشىلدى. وندا ەڭبەك ميگرانتتارى ءۇشىن قۇجاتتاردى زاڭسىز راسىمدەۋگە قاتىسى بار بەس جەرگىلىكتى تۇرعىن ۇستالدى.

«بارلىق فاكتىلەر بويىنشا سوتقا دەيىنگى تەرگەپ-تەكسەرۋ جۇرگىزىلۋدە. كىنالىلەر مۇلكى تاركىلەنىپ, جەتى جىلعا دەيىنگى مەرزىمگە باس بوستاندىعىنان ايىرىلۋى مۇمكىن. بۇل باعىتتاعى جۇمىس جالعاسىپ جاتىر», – دەدى قۋاندىق الپىس.