Qazaqstanda kóshi-qon salasyndaǵy qylmystyq toptar áshkere boldy

Foto: polisia.kz

Ishki ister mınıstrliginiń uıymdasqan qylmysqa qarsy kúres bólinisteri osy aıdyń basynan bastap zańsyz kóshi-qondy uıymdastyrýǵa qatysy bar birneshe qylmystyq toptyń jolyn kesti, – dep habarlaıdy qandastar.kz  Massaget.kz tilshisine silteme jasap.

IIM uıymdasqan qylmysqa qarsy kúres departamentiniń ókili Qýandyq Alpystyń sózinshe, qylmystyq shemalar memlekettik shekarany zańsyz kesip ótý, jalǵan qujattardy qoldana otyryp, sheteldikterge ýaqytsha turýǵa jáne jumys isteýge ruqsat berýdi rásimdeý sııaqty qyzmetterden turǵan.

Jambyl oblysynda jergilikti turǵyn ustaldy. Ol taýly aımaq arqyly Eýroodaq elderine tabys úshin barǵysy keletin alys shet elderdiń azamattaryna zańsyz kóshi-qon arnasyn uıymdastyrǵan. Atyraý oblysynda úsh sheteldik jalǵan qujattardy paıdalana otyryp, Qazaqstan aýmaǵynda basqa sheteldikterdi tirkeýmen aınalysqan.

Osyǵan uqsas qylmystyq shema elordada ashyldy. Onda eńbek mıgranttary úshin qujattardy zańsyz rásimdeýge qatysy bar bes jergilikti turǵyn ustaldy.

«Barlyq faktiler boıynsha sotqa deıingi tergep-tekserý júrgizilýde. Kináliler múlki tárkilenip, jeti jylǵa deıingi merzimge bas bostandyǵynan aıyrylýy múmkin. Bul baǵyttaǵy jumys jalǵasyp jatyr», – dedi Qýandyq Alpys.