Qazaqstanda qosymsha bólingen bilim granttary ıegerleriniń tizimi jarııalandy

Kórneki foto: pixabay.com

«Qazaqstan halqyna» qoǵamdyq qory saıtynda 792 granttyń ıegerin jarııalady. Olar qaı sanattar boıynsha bólingeni belgili boldy, dep habarlaıdy qandastar.kz KAZ.NUR.KZ silteme jasap.

«11 qyrkúıekte «Qazaqstan halqyna» QQ basqarmasy 2024 jylǵa arnalǵan bilim granttaryna ıe bolǵan talapkerlerdiń tizimin bekitti. Bıyl qaıyrymdylyq baǵdarlamasy aıasynda 850 grantty bólý úshin 93 joǵary jáne joǵary oqý ornynan keıingi oqý oryndary (JOO) tańdaldy. 2024 jyldyń 1 men 17 tamyzy aralyǵynda bilim berý uıymdarynyń qabyldaý komıssııalary baǵdarlamaǵa qatysýǵa nıetti úmitkerlerdiń ótinishterin qabyldady», – delingen habarda.

Qujattardyń krıterıılerge sáıkestigin tekserý nátıjeleri boıynsha mynadaı sanattar boıynsha bólingen 792 ótinish berýshiniń túpkilikti tizimi qalyptastyryldy:

1. 3 ótinish berýshi (0,4 paıyz) – 2022 jylǵy qańtar oqıǵasy kezinde qaza tapqan azamattardyń balalary;

2. 168 ótinish berýshi (21,2 paıyz) – jetim nemese ata-anasynyń qamqorlyǵynsyz qalǵan balalar;

3. 149 ótinish berýshi (18,7 paıyz) – aýyldyq eldi mekenderdegi, shaǵyn jáne monoqalalardaǵy az qamtylǵan otbasylardan úmitkerler;