قازاقستاندا كرەاتيۆتى يندۋستريانى دامىتۋ قورى قۇرىلادى

فوتو: اشىق دەرەككوز

بۇل تۋرالى ۇكىمەت وتىرىسىندا بەلگىلى بولدى. مادەنيەت جانە اقپارات ءمينيسترى ايدا بالاەۆا ەلىمىزدە جەتەكشى شىعارماشىلىق جانە ءبىلىم بەرۋ ۇيىمدارىنىڭ قاتىسۋىمەن كرەاتيۆتى يندۋستريانى دامىتۋ قورىن قۇرۋ جوسپارلانىپ وتىرعانىن مالىمدەدى, دەپ حابارلايدى Skifnews.kz اقپارات پورتالى.

ەسكە سالساق, مەملەكەت باسشىسى 2021 جىلعى جولداۋىندا كرەاتيۆتى يندۋستريانى قولداۋدىڭ ارنايى ينستيتۋتىن قۇرۋدى تاپسىرعانىن بولاتىن.

زاڭناماعا سايكەس, كرەاتيۆتى يندۋستريانى دامىتۋعا جاردەمدەسەتىن زاڭدى تۇلعا – كرەاتيۆتى يندۋستريالاردى دامىتۋ قورى بولادى. قور قازاقستاننىڭ جەتەكشى شىعارماشىلىق جانە ءبىلىم بەرۋ ۇيىمدارىنىڭ قاتىسۋىمەن قورپوراتيۆتىك قور رەتىندە قۇرىلادى جانە نەگىزگى 4 باعىت بويىنشا قىزمەتتى جۇزەگە اسىرادى, — دەپ ايتتى ۆەدومستۆو باسشىسى.

قوردىڭ نەگىزگى باعىتتارى:

— تالانتتاردى انىقتاۋ (كونكۋرستار, كرەاتوندار, ءموبيلدى پروديۋسەرلىك ورتالىقتار ۇيىمداستىرۋ, وڭىرلەردە تالانتتاردى ىزدەۋ).

— جوبالاردى دامىتۋ (ستارتاپتاردى اكسەلەراتسيالاۋ جانە ينكۋباتسيالاۋ, كوممەرتسيالاندىرۋ, ينۆەستيتسيا تارتۋ).

— ينفراقۇرىلىمدى دامىتۋ (حابتار جەلىسىن كەڭەيتۋ, تۇراقتى ارت-الاڭدار قۇرۋ, مەملەكەتتىك م ۇلىككە قول جەتكىزۋدى قامتاماسىز ەتۋ).

— ەكسپورتقا قولداۋ كورسەتۋ (شەتەلدىك اۋديتورياعا شىعۋ, ماركەتينگ جانە PR, اۆتورلىق قۇقىقتى قورعاۋ).

ەلىمىزدەگى كرەاتيۆتى يندۋستريالاردى دامىتۋ قورىنىڭ بيۋدجەتى ۇلتتىق لوتەرەيا وپەراتورى قىزمەتىنەن بولىنەتىن 3% اۋدارىم ەسەبىنەن قالىپتاستىرىلادى. قور قىزمەتىنىڭ ماڭىزدى باعىتتارىنىڭ ءبىرى – كرەاتيۆتى يندۋسترياداعى ۆەنچۋرلىق ينۆەستيتسيالاردى دامىتۋ. وسىعان بايلانىستى احقو بازاسىندا باسقارۋشى كومپانيالاردىڭ پۋلىن تارتا وتىرىپ, جەدەل جانە قايتارىمدى نەگىزدە اقشالاي قاراجاتتى ءتيىمدى ورنالاستىرۋعا مۇمكىندىك بەرەتىن ۆەنچۋرلىق بولىمشە قۇرىلاتىن بولادى, — دەپ ءتۇسىندىردى ايدا بالاەۆا.