Qazaqstanda krıpto-karta iske qosyldy

2025 jyldyń 3 maýsymynda Almatyda ótken jıynda Ulttyq Bank ıfrlyq aktıvter ındýstrııasyn damytýǵa baǵyttalǵan jańa jobalardy tanystyrdy, dep habarlaıdy Qandastar.kz aqparat portaly.

Jıyn Memleket basshysynyń tapsyrmasyna sáıkes ıfrlyq aktıvter ındýstrııasyn ilgeriletý aıasynda uıymdastyryldy. Is-sharaǵa bankter, krıptobırjalar men fınteh-kompanııalardyń ókilderi qatysty.

Jıyn barysynda «Astana» halyqaralyq qarjy ortalyǵy (AHQO) alańynda lıenzııalanǵan krıptobırjalardyń ámııandaryna baılanǵan “krıpto-karta” jobasy iske qosyldy. Bul kartalar arqyly tutynýshylar qolma-qol aqshasyz operaııalar oryndaı alady.

Krıpto-karta mehanızmi: klıent tólem jasaǵan sátte onyń AHQO krıptonaryǵyndaǵy ıfrlyq aktıvteri satylyp, sol sátte tólem kartasyna (bank shotyna baılanǵan) naqty aqsha túsedi. Operaııa bir mezette júzege asady jáne esep aıyrysýdyń jedeldigi bank pen lıenzııalanǵan krıpto-provaıder arasyndaǵy krıpto-fıattyq ıntegraııa arqyly qamtamasyz etiledi.

Bul sheshim ıfrlyq aktıvterdi qoldanystaǵy tólem ınfraqurylymyna qaýipsiz ári yńǵaıly biriktirýge jol ashady.

Ulttyq Bank bıyl ıfrlyq aktıvter boıynsha birqatar pılottyq jobany iske asyrýdy josparlap otyr. Olardyń qatarynda:

• Ulttyq valıýtamen, sonyń ishinde ıfrlyq teńgemen qamtylǵan steıblkoındardy shyǵarý;
• Qarjy aktıvteri men jyljymaıtyn múlikti tokenızaııalaý, baǵaly qaǵazdarǵa teńestirilgen tokender shyǵarý;
• ıfrlyq aktıvterdiń qamtamasyz etilýin esepke alý jáne saqtaý júıelerin uıymdastyrý;
• Krıptoaktıvtermen aıyrbastaý jáne saqtaý servısterin damytý;
• Basqa da ınnovaııalyq qarjy servısteri.

Atalǵan bastamalardy iske asyrý úshin Ulttyq Bank múddeli memlekettik organdarmen birlesip, ıfrlyq qarjy aktıvterine arnalǵan retteýshi bazany qalyptastyrýǵa jáne kepilsiz aktıvterdiń aınalymyn keńeıtýge múmkindik beretin zańnamalyq túzetýler jobasyn ázirledi.