قازاقستاندا كريپتوۆاليۋتاعا ازىق-ت ۇلىك الىپ, قىزمەت تولەۋگە جاعداي جاسالماق

فوتو: Pixabay.com

مەملەكەت باسشىسى قاسىم-جومارت توقاەۆ استانا حالىقارالىق فورۋمىنىڭ پلەنارلىق وتىرىسىنا قاتىسىپ, سۋپەركومپيۋتەردى قوسۋعا نيەتتى ەكەنىن ايتتى, دەپ جازدى qandastar.kz

 بۇل تۋرالى Stan.kz اقپارات اگەنتتىگى حابارلايدى.

توقاەۆ فورۋمدا تسيفرلىق دامۋ ماسەلەسىنە توقتالدى.

ء«بىز ادام كاپيتالىنا ينۆەستيتسيا سالىپ, جاس مامانداردىڭ قالىپتاسۋىنا جاعداي جاسايمىز. ەڭ باستى مىندەتىمىز – ايماقتار اراسىنداعى الشاقتىقتى ازايتۋ جانە ورتا تاپتى نىعايتۋ. سول سەبەپتى تسيفرلىق تەحنولوگيا مەن جاساندى ينتەللەكتىدەن باستاپ جاسىل ەنەرگەتيكا مەن قوسىمشا قۇنى جوعارى وندىرىسكە دەيىنگى نەگىزگى سەكتورلارداعى الەۋەتىمىزدى كۇشەيتە بەرەمىز”, – دەدى پرەزيدەنت.

سوزىنشە, ەلىمىز تسيفرلىق ترانسفورماتسيادا ەلەۋلى تابىسقا قول جەتكىزدى. ماقساتىمىز – ەۋرازياداعى جەتەكشى IT حابقا اينالۋ.

“جاساندى ينتەللەكتىنى دامىتۋعا ايرىقشا ءمان بەرىپ وتىرمىز. بىرقاتار شەتەلدىك ۋنيۆەرسيتەتتىڭ فيليالى بار, زەرتتەۋ مەن ازىرلەۋ سالاسىنداعى سەرىكتەستىك جولعا قويىلعان اكادەميالىق جانە يننوۆاتسيالىق حابقا اينالعىمىز كەلەدى. قازاقستان ەڭ قۋاتتى سۋپەركومپيۋتەردى ىسكە قوسۋعا كىرىستى. قازىردىڭ وزىندە بۇل جۇمىس باستالىپ كەتتى”, – دەدى ول.

بۇدان بولەك, سryptoCity دەپ اتالاتىن جاڭا پيلوتتىق جوبانى جۇزەگە اسىرۋ جوسپارلانىپ وتىر. مۇندا كريپتوۆاليۋتانى ازىق-ت ۇلىك ساتىپ الۋعا, قىزمەت تولەمىنە جانە باسقا دا ماقساتتاردا پايدالانۋعا جاعداي جاسالادى.