Qazaqstanda kýrs satatyn koýchtardyń qyzmeti zańdastyrylýy múmkin

Qazaqstanda tutynýshylardyń quqyǵyn qorǵaý zańyna ózgeris engizý kerek. Sapasyz kýrs satatyn trenerlerge osylaı tosqaýyl qoıý usynyldy. Sonymen qatar sabaq beretin koýchtarǵa arnaıy talaptar qoıylyp, olardyń memlekettik tizimi jasalýy múmkin, dep habarlaıdy qandastar.kz 24.kz-ke silteme jasap.

Búginde bir aıdyń ishinde tolaǵaı tabysqa keneltem deıtin koýchtar kóbeıip ketti. Áleýmettik jelide san alýan trenıngke shaqyratyn jarnama shashetekten. Biri baı bolýǵa úıretemin dese, endi biri sulý ári isker bolýdyń qupııasyn aıtamyn dep sendiredi. Tipti ómirlik serigin taýyp, baqytty otbasy bolýdyń syryn ashamyn deıtinder de kóp. Byltyrdyń ózinde alaıaq koýchtarǵa aldanǵan 600 adam Tutynýshylar quqyǵyn qorǵaý komıtetine shaǵymdanǵan.

Bıznes-trener Qaısar Maqan mundaı jarq-jurq etken jarnamaǵa senbýge shaqyrdy.

«Eger kýrstar az ýaqytta tóbeńnen altyn jaýdyram dep jarnamalansa, qýanýǵa asyqpańyz. Olar da alaıaqtar sııaqty jyldam aqsha arqyly manıpýlıaııa jasaıdy. Ádette psevdo-koýchtardyń kýrsyna tirkelý ońaı bop keledi. Sondaı-aq «sizge arnaıy usynys ázirledik, akııa tek búgin ǵana júrip jatyr» degen sııaqty habarlarmen qyzyqtyrady. Bul neırolıngvıstıkalyq baǵdarlamalaý ádisteriniń artynda alaıaqtar tur», – deıdi kásibı bıznes-trener Qaısar Maqan.

Mamandardyń aıtýynsha, ıfrlyq tehnologııalar damyǵan zamanda bul qyzmetterdi qadaǵalaý qıyn bolyp tur. Arnaıy statıstıka da júrgizilmeıdi, tipti, zańdar da dármensiz.

«Tutynýshylar quqyn qorǵaý zańyna ózgerister enýi kerek. Mysaly, osyndaı aqparat berip, «oqytamyn, osyndaı dárejege jetkizemin» dep, biraq ta dárejege jetkizbegen, onyń qural, materıaldary sáıkes bolmasa, onda tutynýshyǵa tolyq aqshasyn qaıtaryp berýi kerek. Sonymen qatar aıyppul tóleýi kerek tutynýshyǵa», – deıdi Qazaqstan tutynýshylary respýblıkalyq qaýymdastyǵy tóraǵasynyń orynbasary Tursyn Jaǵyparova.

Sonymen qatar trenerlerdi sertıfıkattaý usynyldy. Iaǵnı dáris berý úshin ár maman arnaıy komıssııaǵa óziniń bilimi men biligin dáleldeýge tıis.

«Sonda sabaǵyna salǵyrt qaraıtyn koýchtar bolmaıdy», – deıdi mamandar.

«Reestrde bar kez kelgen mamanǵa senim bolady. Ol úshin trenerlerge qoıylatyn arnaıy talaptar bolýy kerek. Sonymen qatar olardyń qyzmetin baqylaý úshin quzyrly organdarǵa naqty normatıvter qajet. Máselen, mindetin oryndamaǵan jaǵdaıda qandaı jaza qoldanylady degen sııaqty. Sondyqtan bul máseleni úkimetpen birlesip talqylaý kerek. Sol kezde qoǵamnyń, arnaıy uıymdardyń usynystaryn tyńdaımyz», – deıdi Qazaqstan parlamenti májilisiniń depýtaty Dınara Naýmova.

Depýtattyń oıynsha, bul erejeler qyzmetin adal atqaryp júrgen mamandarǵa áser etpeıdi. Jańa talaptar naryqty «ınfosyǵandardan» tazartýǵa sep bolmaq.