قازاقستاندا قىلمىس ازايدى ما?

ىشكى ىستەر ءمينيسترى ەرجان سادەنوۆ قازاقستاندا قىلمىس 13%-عا ازايعانىن مالىمدەدى, دەپ حابارلايدى Qandastar.kz ۇكىمەتكە سىلتەمە جاساپ.

كۇن سايىن 14 مىڭنان استام پوليتسيا قىزمەتكەرى مەن ۇلتتىق ۇلاننىڭ اسكەري قىزمەتشىسى قوعامدىق ءتارتىپتى ساقتاۋعا جۇمىلدىرىلادى.

پوليتسيا 10 مىڭنان استام قىلمىستى اشىپ, 10 ملن-عا جۋىق اكىمشىلىك قۇقىق بۇزۋشىلىقتىڭ جولىن كەسكەن.

«الدىن الۋ شارالارىنىڭ ارقاسىندا قىلمىس سانى 13%-عا تومەندەدى. بۇل وتكەن جىلمەن سالىستىرعاندا 9 مىڭعا از. كىسى ءولتىرۋ, قاراقشىلىق, توناۋ, بۇزاقىلىق, ۇرلىق جانە مال ۇرلىعى ازايدى», — دەپ ەرجان سادەنوۆ.

ونىڭ ايتۋىنشا, بۇرىن سوتتالعاندار جاسايتىن, قوعامدىق ورىنداردا جانە قارۋ-جاراقپەن جاسالاتىن قىلمىستىق قۇقىق بۇزۋشىلىقتار سايابىرسىعان.

«الاياقتاردىڭ 2,2 ملرد تەڭگە كولەمىندەگى قاراجاتتى ەسەپ-شوتتاردان شىعارىپ اكەتۋ ارەكەتتەرىنىڭ جولى كەسىلدى. سونىمەن قاتار ازاماتتاردىڭ قۇقىقتىق جانە قارجىلىق ساۋاتتىلىعى دا ارتىپ كەلەدى», — دەدى ەرجان سادەنوۆ.