Qazaqstanda qylmys jasalmaıtyn óńir belgili boldy

Jambyl oblysynda 4 jyldan beri birde-bir qylmys tirkelmegen aýyldar bar. Aýyl turǵyndary ishimdikten bas tartqan, dep habarlaıdy qandastar.kz. Polisia.kz saıtyna silteme jasap.

Jambyl oblysy Sarysý aýdanynyń Jańaaryq aýyldyq okrýgi eń úlgili aýyl ataǵyna úmitker. Munda sońǵy 4 jylda birde-bir qylmys tirkelmegen. Aýyldyq okrýgke Aqtoǵaı jáne Uzaqbaı Syzdyqbaev aýyldary kiredi, onda 1700-ge jýyq adam turady.

Okrýgtegi úsh dúkende alkogol men temeki satylmaıdy. Jaqynda tórtinshi dúken ashylady, biraq ol kásipker de aýyl turǵyndarynyń bastamasyn birden qoldaǵan. Mundaı sheshimdi turǵyndar urpaqty azǵyrmaý úshin aqyldasa otyryp qabyldaǵan.

Nátıje birden baıqala bastady. Bul bastama qylmys pen quqyq buzýshylyqtardyń, sondaı-aq otbasylyq janjaldardyń aldyn alady. Biraq bul jerde ýchaskelik polıııa ınspektorynyń quqyq buzýshylyqtyń aldyn alý boıynsha júıeli jumysy da mańyzdy ról atqarady. Ýchaskelik ınspektor Saǵynǵalı Salamatov 5 jyldan beri Syzdyqbaev aýylynda turady. Ol óz aýmaǵyndaǵy ahýaldy tolyq meńgerý úshin júıeli sharalar qoldanady: reıdter júrgizip, polıııada esepte turǵan adamdardy turǵylyqty jeri boıynsha tekseredi, azamattyq qarý ıeleriniń erejelerdi saqtaýyna tekserýler júrgizedi.

Jambyl oblysynda osyndaı úlgili basqa da aýyldar bar. Bes aýdanda 12 aýyldyq okrýg alkogolden bas tartqan. Nátıje barlyq jerde birdeı: olar eń qaýipsiz aýyldar dep tanyldy. Bul jumysta aýyl turǵyndarynyń daýly máselelerin sheshýge kómektesip, barlyǵyn beıbitshilik pen kelisimge shaqyratyn aýyl aqsaqaldaryna úlken ról beriledi.