قازاقستاندا قىلمىستىق توپ كەن ورىندارىنان التىن مەن قىمبات مەتالل ۇرلاپ كەلگەن

فوتو: ۆيدەودان كادر

قازاقستانداعى كەن ورىندارىنان جۇيەلى تۇردە التىن مەن قىمبات مەتالل ۇرلاپ كەلگەن قىلمىستىق توپ ۇستالدى. بۇل تۋرالى Stan.kz اقپارات اگەنتتىگى كتكتەلەارناسىنا سىلتەمە جاساپ حابارلايدى.

پوليتسيا قۇرامىندا التىنى بار قوسپانى قايتا وڭدەۋمەن اينالىساتىن 19 زاڭسىز تسەحتى انىقتادى. ول زاۋىتتاردان 10 توننادان استام كەن تابىلعان.

ىشكى ىستەر مينيسترلىگىنىڭ دەرەگىنشە, بيىل ەلىمىزدە وسىنداي ۇيىمداسقان قىلمىسقا قاتىستى 36 ءىس تىركەلىپ, 150-دەن استام ادام جاۋاپقا تارتىلعان. ال استىرتىن تسەحتاردان وڭدەۋگە دايىن تۇرعان ون توننادان استام التىن كەنى تابىلىپتى. قازىر ولاردى قارجىلاندىرۋ جانە قىلمىستىق جولمەن الىنعان م ۇلىكتى زاڭداستىرۋ فاكتىلەرى تەرگەلىپ جاتىر.

«ۇلتتىق قاۋىپسىزدىك كوميتەتىمەن بىرلەسىپ, شىمكەنت قالاسىندا, قاراعاندى جانە قىزىلوردا وبلىستارىندا اسا قاۋىپتى ءتورت قىلمىستىق توپتىڭ ارەكەتى توقتاتىلدى”, – دەدى ىشكى ىستەر مينيسترلىگى ۇيىمداسقان قىلمىسقا قارسى كۇرەس دەپارتامەنتىنىڭ باسقارما باستىعى قۋاندىق الپىس.