قازاقستاندا مەكتەپتەردە جاڭا مىندەتتى ءپان ەنگىزۋ ۇسىنىلدى

فوتو: inform.kz

ورتالىق كوممۋنيكاتسيالار قىزمەتىندە وتكەن بريفينگتە ءىىم اكىمشىلىك پوليتسيا كوميتەتىنىڭ توراعاسى قايسار سۇلتانباەۆ مەكتەپتەردە بالالارعا جول قوزعالىسى ەرەجەسىن ۇيرەتەتىن مىندەتتى ءپان ەنگىزۋدى ۇسىندى, دەپ جازدى qandastar.kz

بۇل تۋرالى Stan.kzاقپارات اگەنتتىگى حابارلايدى.

سپيكەردىڭ ايتۋىنشا, پوليتسەيلەر جول-كولىك وقيعاسىنان قايتىس بولعان بالالار تۋرالى دەرەكتەردى باسقا ەلدەردىڭ دەرەكتەرىمەن سالىستىرعان.

بۇدان بولەك كامەلەتكە تولماعاندارعا جول قاۋىپسىزدىگى داعدىلارىن ۇيرەتۋگە باعىتتالعان پاندەردى وقىتۋ تاجىريبەسى ەسكەرىلگەن. قورىتىندىسى كوڭىل كونشىتپەگەن: قازاقستاندا بالالارعا جول ءجۇرۋ ەرەجەلەرى از وقىتىلاتىن بولىپ شىققان.

«ىشكى ىستەر مينيسترلىگى بالالاردىڭ ومىرىنە قاتىستى بولعاندىقتان جول قوزعالىسى ەرەجەسى ساباقتارىن مەكتەپ باعدارلامالارىنا جەكە مىندەتتى ءپان رەتىندە ەنگىزۋدى ۇسىنىپ وتىر. مۇنداي ساباقتار ارقىلى جولداردا زاڭعا باعىنۋ ءتارتىبى نورمالارىن سىڭىرۋگە بولادى, بۇل ولاردىڭ ءوسىپ, وزدەرى جۇرگىزۋشىسى بولعان كەزدە جول قاۋىپسىزدىگىنە وڭ ىقپال ەتەدى», – دەيدى قايسار سۇلتانباەۆ.