جاڭالىقتار
قازاقستاندا مۇعالىمنەن اقشا بوپسالاعان بلوگەر ۇستالدى
فوتو: شىمكەنت پد
شىمكەنتتە جالپى ءبىلىم بەرەتىن مەكتەپ قىزمەتكەرى پوليتسياعا ارىزدانعاننان كەيىن بلوگەردى ءىرى كولەمدە اقشا بوپسالاۋ كۇدىگىمەن ۇستالدى, دەپ جازدى qandastar.kz
ەر ادام ءوزىنىڭ مەديالىق مارتەبەسىن پايدالانىپ, پەداگوگ تۋرالى اشكەرەلەيتىن اقپاراتتى تاراتاتىنىن ايتىپ, قورقىتۋ ارقىلى ونى جاريالاماۋ ءۇشىن 1,2 ميلليون تەڭگە تالاپ ەتكەن.
اتالعان دەرەك بويىنشا قىلمىستىق ءىس قوزعالىپ, قاجەتتى تەرگەۋ شارالارى جۇرگىزىلىپ جاتىر. كۇدىكتى ۋاقىتشا ۇستاۋ يزولياتورىنا قامالدى.
پوليتسيا ازاماتتارعا قىسىم كورسەتكەن, قوقان-لوقى جاساعان جانە بوپسالاعان ادامداردىڭ ءىس-ارەكەتتەرى قىلمىستىق جاۋاپكەرشىلىككە اكەپ سوعاتىنىن ەسكەرتتى. سوندىقتان پوليتسيا ازاماتتاردى مۇنداي جاعدايلاردا قورىقپاي, دەرەۋ قۇقىق قورعاۋ ورگاندارىنا جۇگىنۋگە شاقىرادى.
