Qazaqstanda munaı óńdeý kólemi artty

 Energetıka mınıstrligi 2025 jylǵy qańtar-sáýir aılaryndaǵy iri munaı óńdeý zaýyttarynyń jumys qorytyndylaryn shyǵardy, dep habarlady qandastar.kz

Eldiń iri munaı óńdeý zaýyttarynda 2025 jyldyń alǵashqy tórt aıynda 6,092 mln tonna munaı óńdeldi. Bul kórsetkish 2024 jyldyń sáıkes kezeńimen salystyrǵanda 10,8%-ǵa joǵary.

О́ńdeý kóleminiń artýy ishki jáne syrtqy naryqtarda suranysqa ıe negizgi munaı ónimderiniń óndirisiniń ulǵaıýyna basty faktor boldy.

Atap aıtqanda: avtomobıl benzıni óndirisi 25,4%-ǵa artyp, 2,082 mln tonnany qurady; dızel otynynyń óndirisi 18,9%-ǵa ósip, 1,921 mln tonnaǵa jetti; avıaııalyq kerosın óndirisi 5,3%-ǵa artyp, 0,255 mln tonnany qurady.

Energetıka mınıstrligi munaı óńdeý salasynyń turaqty jumysyn qamtamasyz etý, ishki naryqty munaı ónimderimen senimdi jabdyqtaý, sondaı-aq kásiporyndardyń tıimdiligi men tehnologııalyq damý deńgeıin arttyrýǵa baǵyttalǵan strategııalyq sharalardy iske asyrýdy jalǵastyrady.