قازاقستاندا نەسيە بەرۋ تالاپتارى قاتاڭدايدى

ۇلتتىق بانك پەن قارجى نارىعىن رەتتەۋ جانە دامىتۋ اگەنتتىگى بانكتەرمەن كەڭەس وتكىزدى. جيىن بارىسىنداقازاقستاندىقتاردىڭ قارىزدىق جۇكتەمەسىن ازايتۋ شارالارى تالقىلاندى. تابىسى تومەن ازاماتارعا نەسيە بەرۋ تالاپتارى كۇشەيمەك.

قارجى نارىعىن رەتتەۋ جانە دامىتۋ اگەنتتىگى بانكتەردى قارىزىن قايتارا المايتىندارعا نەسيە بەرمەۋ ءۇشىن ازاماتتاردىڭ تولەم قابىلەتتىلىگىن مۇقيات تەكسەرۋدى مىندەتتەۋدى ۇسىندى. سونداي-اق قارازىن مەرزىمىنەن كەشىكتىرگەن قازاقستاندىقتاردىڭ بەرەشەگىن ودان ءارى ارتتىرۋعا شەكتەۋ ەنگىزگىسى كەلەتىنىن جەتكىزدى.

اگەنتتىك بانكتەردىڭ قارجىلىق تۇراقتىلىعىنا تەرىس اسەر ەتەتىن “ناشار” نەسيەلەردىڭ جينالۋىنىڭ الدىن الۋ ءۇشىن قوسىمشا شارالاردى (نورماتيۆتىك جانە زاڭنامالىق) قاراستىرادى.

“بانكتەر پروبلەمالىق تۇتىنۋشىلىق نەسيەلەردى قايتا قۇرىلىمداۋ جۇمىستارىن جالعاستىرۋى كەرەك. ياعني, قارىز الۋشىلار قارىزدى وتەۋ كەزىندە قيىندىقتارعا تاپ بولعان جاعدايدا, ولار نەسيەلەردىڭ شارتتارىن قايتا قاراستىرادى. ەڭ الدىمەن قيىن جاعدايعا تاپ بولعان ازاماتتارعا كومەك كورسەتىلەدى”, – دەلىنگەن حابارلامادا.سونداي-اق كەزدەسۋدە «دامۋ» قورى نەگىزىندە شاعىن جانە ورتا بيزنەس سۋبەكتىلەرىنىڭ نەسيەلەرىن كەپىلدەندىرۋ قورى قۇرۋ ماسەلەسى قارالدى.

بانكتەر مەن مەملەكەت كەپىلدىك قورىنىڭ شارتتارىن تالقىلاۋدى جالعاستىرادى. بۇل كوپتەگەن كاسىپورىنداردىڭ قوردان كەپىلدىك الۋىنا مۇمكىندىك بەرەدى. ۆەدومستۆولار اراسىنداعى ءوزارا ارەكەتتەستىكتى جاقسارتۋ ءۇشىن جوبالىق كەڭسەنىڭ ءرولى كۇشەيتىلەدى. بۇل بانكتەر مەن «بايتەرەك» حولدينگى قاتىساتىن سينديكاتسيالانعان نەسيەلەر ارقىلى ءىرى جوبالاردى قارجىلاندىرۋعا كومەكتەسەدى.