جاڭالىقتار
قازاقستاندا نيكاب كيۋگە تىيىم سالىنۋى مۇمكىن
مادەنيەت جانە اقپارات ءمينيسترى ايدا بالاەۆا اقوردا كۋلۋارىندا «قازاقستاندا نيكاب كيۋگە زاڭمەن تىيىم سالىنا ما?» دەگەن سۇراققا جاۋاپ بەردى. بۇل تۋرالى Qandastar.kz اقپاراتتىق پورتالى Stan.kz اقپارات اگەنتتىگى سىلتەمە جاساپ حابارلايدى.
مادەنيەت مينيسترلىگى باسشىسى بۇل ماسەلەگە كەلگەندە جەكە زاڭ جوق ەكەنىن, الايدا ىشكى ىستەر مينيسترلىگى نيكاب كيۋگە تىيىم سالاتىن نورما قاراستىرىپ جاتقانىن ايتتى.
«جەكە زاڭ جوق ەكەنىن ايتقىم كەلەدى. ىشكى ىستەر مينيسترلىگى قاراستىرىپ جاتقان نورما بار. ول نورما نيكابقا تىيىم سالۋدى كوزدەيدى. بۇل نورما قازىر ماجىلىستە قارالىپ جاتىر. ءماجىلىستىڭ ءوز راسىمدەرى بار, مەنىڭ بىلۋىمشە, ءبىرىنشى وقىلىمدا تالقىلاۋ ءجۇرىپ جاتىر نەمەسە تالقىلاپ تاستادى», – دەدى ايدا بالاەۆا.
