جاڭالىقتار
قازاقستاندا وبلىستىق سپورت باسقارمالارىنىڭ باسشىلارى جاڭا ادىسپەن تاعايىندالادى
فوتو: اشىق دەرەككوز
بۇل ءۇشىن تۋريزم جانە سپورت مينيسترلىگىندە ارنايى كوميسسيا قۇرىلدى, دەپ جازادى qandastar.kz
وبلىستىق سپورت باسقارمالارىنىڭ باسشىلارىن تاعايىنداۋ وكىلەتتىگى جەرگىلىكتى اتقارۋشى ورگانداردان تۋريزم جانە سپورت مينيسترلىگىنە بەرىلدى. وسى ماقساتتا مينيسترلىكتە مينيستر ەربول مىرزابوسىنوۆ باسقاراتىن ارنايى كوميسسيا قۇرىلدى.
ءحححىىى جازعى وليمپيادا ويىندارىنىڭ جەڭىمپازدارىمەن كەزدەسۋدە پرەزيدەنت ۇكىمەتكە سپورت سالاسىنداعى ۆەرتيكالدى باسقارۋدى قالپىنا كەلتىرۋدى تاپسىردى. كوميسسيانىڭ نەگىزگى مىندەتى – بولىمدەر اراسىندا جاۋاپكەرشىلىك پەن وكىلەتتىكتەردى ناقتى جانە ءادىل ءبولۋ.
وبلىستىق سپورت باسقارمالارىنىڭ باسشىلارى لاۋازىمىنا ۇمىتكەرلەر كاسىبي تاجىريبەسى, باسقارۋ قابىلەتى, كوممۋنيكاتيۆتى داعدىلارى, ستراتەگيالىق ويلاۋ قابىلەتى جانە مورالدىق-ەتيكالىق قاسيەتتەرى سياقتى بىرقاتار كريتەريلەر بويىنشا باعالانادى.
كانديداتتاردى جەرگىلىكتى اتقارۋشى ورگاندار مەن مينيسترلىك, سونداي-اق ازاماتتاردىڭ وزدەرى ۇسىنا الادى. وسى ۋاقىتتا پاۆلودار, قاراعاندى جانە تۇركىستان وبلىستارىنىڭ سپورت باسقارمالارىنىڭ جاڭا باسشىلارىن تاعايىنداۋ جونىندەگى كوميسسيا وتىرىسى ءوتتى.
